Чиро Ферара и Масимо Амброзини и гостуваат на прекрасната Дилета Леота на мечот Наполи - Аталанта. Легендарниот економ Томазо Стараче им влетува во живо со неговото фамозно наполитанско кафе. Каков цар, на лице место им го сипа топло, а на крај и камерманот му даде.

Наполитанците експресно брзо се кренаа после поразот дома од Лацио пред пет дена. Имаат водство против Аталанта од 1:0, со голот на Кварацхелија во 60 минута. Грузиецот ги понижи дефанзивците и ги прати по цигари. Вкупно седум играчи го заобиколија.

Спортскиот храм во срцето на Кисела Вода каде некогаш се играа врвна одбојка, кошарка и ракомет и каде Вардар Ватростална со Пепи Манасков освојуваше титули, повеќе не личи на сала. Распад систем е внатре, а срамните кадри ги сними спортскиот новинар Мијалче Дургутов. Како 200 вакви да имаме, па е тешко да ги одржуваме. Бојлер има на влез.

По сторијата за Предраг Спасиќ кој иако играл во Реал Мадрид па банкротирал и сега раскажа дека живее многу тешко, слична вест стигна и за поранешен репрезентативец на Канада.

180 милиони евра за Мбапе, потоа нови 630 милиони бруто за нов тригодишен договор со невидени привилегии. 222 милиони за Нејмар, плус Меси го купија. ПСЖ е опседнат со големи имиња, заборавајќи ги основните принцини во фудбалот. Дека тоа е спорт кој се игра со тим.

Не за џабе ден-денес е единствен фудбалер од Африка кој добил „Златна топка“ за најдобар играч на светот. Претседателот на Либерија и легенда на Милан, Жорж Веа чиј син настапува за репрезентацијата на САД, на свои 56 години покажа дека класата е вечна.

Џовани Трапатони (83) е една од најголемите тренерски легенди и еден од петмината со трофеи во четири земји (Италија, Германија, Португалија и Австрија). Во два наврати го водеше Баерн со кој има три трофеи. Има една незаборавна прес конференција на која со лоша граматика и полн со емоции, ги критикуваше перформансите на своите играчи. Онака ултра темпераментно и бесно. Кога заврши, не дозволи ни прашања. Си отиде лут.

Фелипе Мело кој некогаш играше за Фиорентина, Јувентус, Интер, Мајорка, Палмеирас, Галатасарај и други бразилски клубови, има 38 години. Сега е член на лидерот во бразилското првенство Кариока Серија А, Флуминенсе. На дербито со Фламенго на гости синоќа влегол во 88’ минута а во 89-та добил директен црвен картон зошто направил гужва по еден фаул врз негов соиграч.

Фиорентина имаше многу шанси, но искористи само една во првиот дуел од 1/8 финале на Лига Конференции со турски Сиваспор. „Виолетовите“ од Фиренца победија 1-0 со голот на Чехот Барак, а малку фалеше нивниот најдобар играч, бројот 10, Гаетано Кастровили да го даде голот на сезоната и да добие награда „Пушкаш“ пред време.

Во првиот меч од 1/8 финале на Лига Конференции, премиерлигашот Вест Хем лесно се справи на Кипар со АЕК Ларнака и славеше победа 0-2. Двата гола ги даде шпицот Микаел Антонио во првиот дел. Вториот вреди да се погледне повеќе пати. Тричковски влезе во игра во 77’ минута од клупата. Реваншот во Лондон е за една недела.

Престолнината на Андалузија, Севиља, со оглед на тоа што и Бетис и Севиља редовно секоја година играат во еврокупови, а во овој град често се одржуваат и финалиња организирани од УЕФА, редовно е поприште на навивачки пресметки. Синоќа за време на мечот Севиља - Фенербахче од 1/8 финале на Лига Европа, турските навивачи ја почуствуваа бруталноста на шпанските жандарми.

Манчестер Јунајтед се рехабилитираше од понижувањето против Ливерпул со триумф од 4:1 над Бетис во првата осминафинална пресметка од Лига Европа. Потегот на мечот на Олд Трафорд го имаше Бразилецот Антони кој постигна прекрасен погодок.

Ал Наср го загуби дербито во Саудиска Арабија на гости од Ал Итихад со 1:0, а со тоа остана и без лидерската позиција во групата. Кристијано Роналдо имаше пас за ежење, а потоа фрустриран од поразот им го истури бесот на шишињата.

Пари Сен Жермен одново нема да го освои најсаканиот трофеј, оној од Лига на шампиони кои навивачите и овој клуб го сонуваат со децении. Тимот предводен од Криштоф Галтие загуби и на двата меча со Баерн Минхен и испадна во 1/8 финале.

Во Норвешка фудбалската лига почнува на 10-ти април. Уште е зимска пауза, очекувано, временските услови таму не дозволуваат редовни кола, па периодот за одмор го искористила и една кума лија. Си легнала на трибина на стадионот на Бодо Глимт.

Пазете го видеово. Де Јонг оди со девојка му на стадион, ама не може да седат заедно. Пике не им дава, мафта со рацете и се буни нешто. Френки се обидува да го вразуми заедно со уште еден човек, а од страна снимаат луѓе и пукаат сеир. Погледнете ги на крај реакциите на Де Јонг и девојка му и ќе ви стане јасно. Срамотилаци.

И децава што влетуваат на терен не се повеќе тоа што беа. Обично бараат селфи или дрес, ама во последно време и тие не знаат што сакаат. Клоп беше бесен пред неколку дена на дербито против Манчестер поради тој глупакот кој ќе го повредеше Робертсон, а овој од вчера на Алијанц делуваше несмасно.

По пауза од 11 години, Милан се враќа во четвртфиналето од Лига на шампиони, откако дома го победи Тотенхем 1:0, а на гости одигра без голови. Кејн и Ориги им качија притисок на навивачите во судиско. Прво Мајк Мењан му скроти чист удар на напаѓачот на Тотенхем, а потоа од контра Ориги ја погоди стативата.

Лани Реал, преклани Баерн, вечерва повторно Баерн. Фудбалерите на ПСЖ глава не можат да кренат од великани во нокаут фазата од ЛШ и ниту знаат како да ги минат. По поразот дома од 0:1, Парижаните останаа без муниција и на Алијанц. Им пресуди токму нивниот поранешен напаѓач, Камерунецот Ерик Максим Чупо Мотинг. Гнабри во финишот ги постави конечните 2:0. Во четвртфинале оди и Милан кој одигра 0:0 во Лондон.

Баерн и ПСЖ одиграа без голови по првите 45 минути, а адреналинот кај навивачите најсилен беше во 38-ма минута, кога искусниот швајцарски голман направи грешка недозволива за меч од нокаут фаза во ЛШ. Му должи пиво на Матајс Де Лихт кој ја извади од гол линија во последен момент.

Првиот светски рекет сигурно нема да игра на супер турнирот Индијан Велс во САД, а речиси е извесно и дека ќе го пропушти турнирот во Мајами. Гувернерот на Флорида и потенцијален кандидат за претседател на САД, Републиканецот Рон Де Сантис побарал од претседателот Бајден и властите да му овозможат влез на Ѓоковиќ во САД.

По триумфот над Њукасл од 2:0, Пеп Гвардиола на фудбалерите им дал два слободни дена. Вокер решил да се опушти најмногу од сите, ама го фатиле камери.

Откако УЕФА условно ги казни хрватските клубови Осијек и Ријека, словенечка Олимпија Љубљана, грчки Арис од Солун, Астана од Казахстан и уште шест други клубови меѓу кои и Борац Бањалука со можно исфрлање од еврокупови поради неизмирени средства во период подолг од 90 дена, Босанската фудбалска федерација дополнително го казни Борац Бањалука со 4.000 долари поради тоа што на отворање на пролетната полусезона на средбата со Широки Бријег, навивачите извадиле парола „Слава на Русија“ и навредлива парола за Нато на руски јазик.