Во фудбалското првенство на Чиле, во 10. коло, Кокимбо со 1-2 го победил на гости Евертон. Во 51-ва минута страшно голчиште за Кокимбо дал Лусано Кабрал. Кандидат за гол на годината.

Валенсија храбро се држеше во првиот дел на гостувањето во Барселона. Водеа гостите 1-2 но на истек на првиот дел нивниот голман Мамардашвили доби директен црвен картон. Со играч повеќе во вториот дел Барселона направи комплетен пресврт и славеше 4-2 со хет-трик на Левандовски. А Тер Штеген во обид да испадне голем техничар им подари гол на гостите.

Арис Лимасол - Пафос, натпревар од фудбалската лига на Кипар. Домаќините поведуваат преку Џејден Монтнор во 25-та минута после совршен контра напад. Гостите израмнуваат 1-1 после само неколку секунди.

Пред натпреварот Депортиво Ла Коруња - Арентеиро од трета шпанска лига, гостите во краток временски период останале без првите двајца голмани кои се повредиле. Немале трет голман па ракавици облекол тренерот на голманите, 36-годишниот Диего Ривас. Не само што бранел туку сјајно бранел и бил најзаслужен за ремито 2-2 и бод против лидерот Депортиво кој на 4 кола пред крај е прв со 68 бода, 4 повеќе од вториот тим на Барселона, Барса Б.

Направете му статуа, стои во еден од коментарите за навивачот кој се најде сам на трибини да ги бодри своите на гости.

Матичниот клуб на Роналдињо, Гремио во новата сезона од бразилската Серија А после 4 кола има две победи и два порази. Синоќа изгубиле 1-0 од Баија а на крајот од мечот црвен картон добиле кој друг ако не Диего Коста (да, тој стариот од Челси и Атлетико Мадрид) и Натан Фернандез. Гостинскиот тренер Ренато Порталупи решава револтирано да ја прати цела клупа за резерви во соблекувална поради лошо судење.

На Пјаца Дуомо вчера на големо се славеше Скудетото број 20 на Интер. Прославата беше луда и незаборавна и немаше само луѓе.

Педесет и две годишниот тренер на турски Сиваспор, Булент Ујѓун решил да ги поздрави гледачите пред малите тв екрани. Ракување со противничкиот тренер па со нив.

Виљареал со 3-0 го совлада Рајо Ваљекано а два нови гола даде Александер Сорлот кој стигна до бројката од 17 погодоци колку што има и Џуд Белингем, двајцата два помалку од лидерот Артем Довбик. Потегот на мечот го имаше левото крило на Виљареал и шпанската фудбалска репрезентација Алекс Баена.

Малиот што го ангажирале да собира топки на мечот Сент Мирен - Глазгов Ренџерс е скаран е и со културата и со берберот. Само Ел Шарави му прави муабет.

Виктор Ѓекереш е најинтересниот фудбалер од сенка во најдобрите Топ лиги во Европа сезонава. Унгарецот кој игра за репрезентацијата на Шведска го води Спортинг Лисабон кон нова титула во домашното првенство. 

Фудбалерите на ПСЖ ја продолжија хегемонијата во француската Лига 1 откако синоќа со освоен бод на домашен терен против Ле Авр (3:3) во 90+5’ минута и теоретски ја заверија титулата во што им помогна и Лион со триумф над Монако.

Дензел Дамфрис и Тео Хернандез се вратија за врат на последното градско дерби и добија црвени картони. Навивачите на Интер го продолжија тоа кошкање и го измонтираа ликот на Тео како да е куче, малтретирано од Дамфрис. Па уште и му ја дадоа фотографијата да ја мавта на автобус.

Комедијата на колото ни доаѓа од втората германска лига на мечот меѓу Вехен Визбаден и Гројтер Фирт. Дупка им се појави покрај аут линија, па фатија да ја крпат.

ПАОК и АЕК одиграа лудо дерби кое после голем пресврт го добија домаќините 3:2 со голови во 81-ва и 90-та минута. Гостинскиот тренер Матијас Алмеида после мечот буквално за врат давеше службено полициско лице задолжено за безбедност. Едвај го смирија. АЕК и натаму е прв на табела во грчката Суперлига со 75 бода, а ПАОК и Панатинаикос имаат по 71 на две гола пред крајот.

Трабзонспор го доби Газијантеп со 4:2 и тоа после голем пресврт во вториот дел. Гостите на полувреме имаа 0:2, но примија 4 комада за само 18 минути. Онуачу постигна хет-трик, а Енис Барди со прекрасен удар го матираше голманот кој немаше шанси.

Едно коло ако не повнимава човек на Бундеслигата може да пропушти нова перверзија од неверојатниот Чаби Алонсо и негови пулени кои се печени за Нетфликс.

Нема човек кој следи фудбал последниве 30 години, а да не знае кој е Роберто Баџо, симбол на италијанскиот фудбал, според некои најголем играч во историјата на оваа земја.

Нов натпревар на Интер Мајами, ново шоу на ѕвездите од Барселона кои привлекоа 65.000 гледачи на гостувањето против Њу Ингланд во Масачусетс, што е рекорд за овој стадион.

Ниту го знаеме името на голманот, ниту на клубот, само знаеме дека се работи за Куп натпревар во Либан. Рене Игита да ја види оваа луда храброст, која потсеќа само на неговата епска одбрана со две нозе.

Динамо Загреб води грчевита битка за титулата со Ријека, а следниот викенд, на 5 мај им одат на гости и тоа веројатно ќе биде клучен меч. Ова коло го совладаа Вараждин, а аплаузите ги собра Стефан Ристовски со гест во негов стил.

Фудбалот на Балканот отсекогаш имал потенцијал за создавање на нестварни сцени, а инаку и од што би живеела Фејсбук страна „Seoski fudbal“. Будуќност и Сутјеска одиграа 2:2 во најголемото црногорско дерби, а потоа играчите на Будуќност биле на отчет кај навивачите кои побарале да ги соблечат дресовите. Понатаму не е јасно.

Пред точно 10 години на мечот Виљареал - Барселона, тапчо од трибини фрли банана на терен во моментот додека Дани Алвеш се местеше да изведе корнер. На расистичкиот напад, бразилски бек возврати со изненадувачки одговор.