Легендарниот Андриј Шевченко вчера беше во Скопје. Фаца е дечкото, нема што, ќе се потсетиме малку на него. Иако еднаш го раскрварија на Градски, па се налути и си отиде. Има и видео од тоа.

Навивачите на Фенербахче се очигледно воодушевени од реакцијата на своите играчи кои влегоа во клинч со навивачите на Трабзонспор, а дел од нив решија да се тепаат. Во Истанбул веќе има графит, инспириран од една фотографија на која Нигериецот Брајт Осаи Самуел со боксови му влага на еден.

Во 1987-ма, Драган Стојковиќ Пикси имал чест да игра на фудбалски натпревар по повод прославата од 100 годишнината на Фудбалската Асоцијација на Англија. Биле сè фаца до фаца, од типот на Бекенбауер, Кројф и Пеле. Но во еден момент,  во холот од хотелот каде се собрале, се појавил човек кој добил аплауз од 10 минути. Пазете му го описот на тоа сведоштво.

Кој вика дека нема фудбал деновиве? Има за тој што сака да гледа, само треба да му се даде шанса. Како ние што направивме утринава. 

Во италијанскиот фудбал изби скандал откако по големото дерби меѓу Интер и Наполи минатиов викенд, гостинскиот одбранбен играч Хуан Жезус објавил дека стоперот на Интер Франческо Ачерби го навредувал на расна основа.

Ветеранот и најдобар стрелец во историјата на фудбалот играше неверојатно во дресовите на Спортинг Лисабон, Манчестер Јунајтед, Реал Мадрид, Јувентус и секако репрезентацијата на Португалија за која има најмногу настапи и најмногу голови. Ама низ кариерата претрпе и сериозен ќотек. Особено на Островот.

Репрезентациите учеснички на големото Европско првенство 2024 кое летово ќе се игра во Германија, полека ги претставуваат своите комплети во кои ќе играат на турнирот. Данска ја покажа својата прва варијанта во која ќе игра на Европското а дресот произведен од брендот Hummel има називи на 1.535 професионални фудбалски клубови колку што има регистрирано во земјата. Со ситни букви се испишани од внатрешна страна на дресот.

Во техника веројатно ја имаат утнато. Има таму една опција „Auto-Tune“, изгледа им е на „on“, а треба на „off“ да биде. Не дека сме најсигурни, ама ќе да е до тоа.

Лоб удар, пласирана, сув лист? Жунињо? Михајловиќ? Што удар ќе беше ова за вака силно, моќно и совршено да изгледа и да заврши онаму каде што не се брани? Голманот беше само гледач и ништо повеќе. Инаку се работи за нисколигашот Мајами Јунајтед кој игра во полупрофесионална лига во САД.

Во дербито на вечерта, актуелниот шампион Денвер Нагетс славеше триумф на гостински паркет против силната Минесота Тимбервулвс 115:112.

Се работи за сезоната 2008/2009 и она единствено финале меѓу Меси и Роналдо, односно Барселона и Манчестер Јунајтед кое го доби Аргентинецот. Во полуфинале момците на Фергусон го елиминираа Арсенал на Венгер. Погледне како почнува клипов, со ненормално добар слободен удар на Роналдо, кој тука има 24 години.

Во Данска ќе се води голема битка за шампионска титула. После 22 одиграни кола Митдјиланд е прв со 48 бода, Брондби втор со 47 а Копенхаген трет со 45. Брондби во неделата со 4-1 го совлада Силкеборг а дури три гола постигнал младиот 23-годишен Јапонец Јуито Сузики.

Нема фудбал денес, на Резултати прво што дава е алжирска прва лига, а на Лајвскор четврта лига Англија. Ама затоа има жени што сакаат фудбал. Едната ja знаете како Дилета Леота, лицето на ДАЗН и Серија А, како и сопруга на среќникот Лорис Кариус. Втората не знаеме дали е слободна. Се вика Елеонора Инкардона, инаку голферка која исто така знае да се појави како водителка на ДАЗН. Врснички се, генерација 1991-ва. Господ само здравје да им дава.

Македонската фудбалска репрезентација термините за пријателски ќе ги искористи за тест средби против Молдавија (22.03) и Црна Гора (25.03), кои ќе се одиграат во Анталија. Нашиот центарфор, Бојан Миовски кој ја игра најдобрата сезона во кариера со вкупно 22 гола за Абердин, ги истакнува важноста на овие собири и се надева дека ќе му тргне голгетерски и во националниот тим.

Сигурно дека Трабзонспор го чека драстична казна за она што го направија неговите навивачи кога влетаа на терен после мечот и ги нападнаа фудбалерите на Фенербахче. Ама па сега и од Трабзон извадија видеа на кои се гледа дека и гостинските фудбалери и управа не биле баш цвеќиња за мирисање.

Барем така викаат сите педантни статистички параметри според кои најпосетени стадиони во Европа има во Германија. Па замислете вие кога во втора лига фудбал дошле да гледаат 69.156 гледачи.

Роналдо Луис Назарио да Лима и Дејвид Бекам на НБА натпревар решија да делат едни пуканки. Или не?

Во дербито на колото во Серија А, Интер и Наполи ги поделија бодовите. Нераѕурите поведоа први преку Матео Дармијан во 43’ минута а Наполитанците израмнија во 81-ва минута преку Хуан Жезус. Маркус Турам кој игра одлична сезона со 10 гола и 10 асистенции на 27 меча во сите натпреварувања, без никаква потреба проба да глуми прекршок за пенал.

Челси го елиминираше Лестер и ќе игра полуфинале во ФА Купот против Манчестеер Сити. Рахим Стерлинг не беше меѓу стрелците, бидејќи нишанот му беше тотално изместен. Прво промаши пенал, а потоа изведе слободен удар за потсмев. Во Ла Манш ја најдоа топката.

После натпреварот Орландо - Торонто кој Меџик го добија 111:96, Ентони Блек од Орландо и Градеј Дик од Торонто, сигурно на нечија идеја си ги размениле дресовите и се сликале после мечот. Алузијата не е случајна.

Далас Маверикс го победи Денвер Нагетс 107:105 со кош во последна секунда на Кајри Ирвинг кој фрли полухорог преку Никола Јокиќ и погоди. Нагетс се жалат дека Ирвинг ја газел аут-линијата пред да тргне во шут, а со кош во последна секунда славеше и Мајами Хит против Детроит Пистонс.

Во 30. коло од италијанска Серија Б, Комо со 3-1 ја совлада Пиза. Домаќините после 10 минути игра веќе воделе со 2-0 и тоа најмногу благодарение на гостинската одбрана која сакала да ја копира тактиката на Пеп Гвардиола

24 гола на 24 лигашки натпревари, 38 гола на 37 меча во сите натпреварувања сезонава, 250 гола на 297 натпревари откако е дојден во Париз. Монпеље - ПСЖ конечни 2:6, со хет-трик на веројатно најјакиот напаѓач во моментов. Барем еден мора да има од тоа неговите специјалитети.

Тензијата меѓу навивачите на Трабзонспор и Фенербахче кулминираше пред неколку години кога беше пукано од огнено оружје врз клупскиот автобус на Фенер кој патуваше на гостински меч во Трабзон. Страстите никогаш не се смириле. Синоќа Енис Барди даде гол но неговиот Трабзонспор изгуби 2:3 со гол во 87-ма минута после што почнаа големи нереди на теренот.