Евроголот на Кристијано Роналдо против Буфон вчера наполни 6 години, а се работеше за четвртфинале од ЛШ кое Реал го доби на гости со 0:3. Џиџи открива што муабет паднал меѓу нив двајца откако го шокирал со потегот.

Арсенал го доби Лутон 2:0 и изби прв на табела во Премиер лигата, пред вечерашниот дуел на Ливерпул против Шефилд Јунајтед. Погледнете што му направи Бен Вајт на својот чувар. Ни иде да го гушнеме.

Лидерот во германското првенство Баер Леверкузен направи уште едно големо шоу откако се пласираше во големото финале на германскиот Куп. Со триумфот 4-0 над второлигашот Фортуна Дизелдорф, Леверкузен ја продолжи неверојатната рекордна серија од 40 натпревари без пораз во сите натпреварувања!

Фенербахче славеше протид Адана Демирспор со 4:2 и тоа се одржа на -2 зад лидерот Галатасарај во борбата за титулата. Потегот на мечот го има Душан Тадиќ кој ја опали на волеј од пола терен.

На Симоне Инѕаги му се насмевнува првото Скудето во тренерската кариера кое за Интер ќе биде број 20. Имаат силен тим, со добра клупа и се недостижни на +14. Една од главните алки им е италијанскиот репрезентативец Николо Барела. Погледнете што му направи на својот чувар. Го изеде како на мал фудбал.

Што би рекол Пеп право чудо е како поранешен играч може да лупне такво нешто (се уверивме и пред некој ден со Кукоч кој неумесно го спореди Јокиќ со Дино Раѓа). Да доаѓа тоа од некој самопрозван аналитичар па да не ти е криво, ама Рој Кин.

Пред почетокот на Купот на Перу, се игра турнир Макари Фудбал Дистрикт Лига од каде победниците одат во главната фаза на Купот. Играат најчесто нисколигаши. Така еден меч меѓу Себолитас и Емпреса Комунал на стадионот „Тупак Амару“ во градчето Мелгар станал хит на социјалните мрежи глобално затоа што тревата не била косена со недели. Купот на Перу се игра од 1967-ма година а најуспешен со најмногу пехари е Атлетико Торино (5 Купа).

На 12-ти август минатата 2023-та година Њукасл ја отвори сезоната спектакуларно, со победа од 5-1 против Астон Вила. Навивачите на клубот од „Сент Џејмс Парк“ беа во екстаза. Им дојде од Милан најскапото засилување во историјата на клубот, Сандро Тонали (23) кој блесна со гол на дебито токму на овој меч.

Николас Фонсека е роден во Неапол, годинава дебитирал за селекцијата на Уругвај, а член е на Ривер Плејт. Можеби некој ќе се сети на татко му Даниел Фонсека кој во 90-те играше за Наполи, Рома, Јувентус. Гледајте како му легна на пуна. Кутар голман, се исчаши целиот.

Во натпревар од 31. коло во англиската Премиер лига, Нотингем Форест со 3-1 го совлада Фулам. Домаќините имаа 2-0 после само 19 минути игра, па гостинскиот тренер лут и кивен реши да направи тројна измена уште во 30-та минута. Права реткост е ова во фудбалот.

Во рок од четири дена, Кристијано Роналдо постигнува два хет-трика. Првиот во второ полувреме за 23 минути, вториот во прво за 31 минута. Така бе Кики, со фудбалски вештини полни ги насловните, а не да се корнеш од нервози за безвезни провокации.

Во 1. коло од новата сезона во норвешката фудбалска лига Елитесериен, трофејниот Розенборг отвори со триумф од 2-0 над Сандерфјорд. Првиот гол на мечот беше дело на шпицот на домаќините, деветката Уле Сетер кој ја звизна од преку 25 метри во агол.

Ако на нецели два месеци до крајот на клупскиот фудбал може да прогласиме шампион во некоја од топ 5 лигите, тоа се дефинитивно Интер (+14), Баер Леверкузен (+13) и ПСЖ (+12). Ова со момците на Чаби Алонсо сезонава е бајка број 1 и одличен материјал за Нетфликс.

На дуелот од Трета македонска фудбалска лига - Исток меѓу Дојранско Езеро и Овче Поле славеле домаќините 2-1. Слободан Митков постигнал еврогол од слободен удар од преку 30 метри. Со овој триумф Дојранско Езеро му се приближил на само три бода на Овче Поле на табелата на Истокот.

Млада, атрактивна и со многу авторитет. Само да чуете како ги строи на терен. „Кога ќе кажам чекај, има да почекаш. Сакаш картон да јадеш?“ Царица.

Наградата „Ференц Пушкаш“ за најубав гол за календарска 2023-та ја доби Бразилецот Гиљерме Мадруга кој постигна акробатски маестрален гол за Ботафого во јуни 2023-та. Сега за 2024-та календарска, веќе има неколку сериозни кандидати за ова врвно признание.

Шпанците уловија прекрасен гест на Родриго и Валверде после еден од головите против Атлетик Билбао кој го добија со 2:0. Уругваецот му шепнува на Бразилецот да го изгушка физиотерапевтот на кој му починала мајката.

Дефанзивецот на Барселона, Иниго Мартинез имаше ситуација еден на еден со тинејџер пред тренинг базата на Каталонците. Изгледа прилично нервозно штом му застана и излезе да се објаснува.

Натпреварот меѓу Атлетик Балеарес и Реал Мадрид Кастиља (третиот тим на Реал Мадрид), гостите славеле 0-1 по чудниот автогол на Алберто во 72’ минута. Судијата го признал погодокот иако не требал зошто во ист момент долетува топка од трибината зад голот и двете топки завршуваат во гол одбиени од еден ист играч.

На натпревар од втората аргентинска лига меѓу Арсенал Саранди и Чакарита Хуниорс, домаќините победиле 3-1 а патот до триумфот им го отворил гостинскиот стопер Габриел Лазарте со прекрасен лоб, ама во свој гол.

Ако треба да се направи топ 10 листа на голови од овој викенд, тогаш сигурно високо ќе котираат Бразилецот Игор Паишао од Феенорд и Швајцарецот Миро Мухајм од Хамбург.

Кога не можеш да се разбереш преку аудио врска ради галама, а не сакаш да трошиш кредит на телефонот, одиш со опцијата изненадување.

Најголемото изненадување во Серија А сезонава се вика Болоња. Имаат 7 победи на последните 8 меча и вкупно 15, исто колку Рома и Аталанта и дури три повеќе од актуелниот шампион Наполи. Во терминот од 12:30 на пладне победија 3:0 против Салернитана. Првите два погодока беа голчишта на Орсолини и Салемакерс. 

Ал Наср со 5-1 го совладал тимот Ал Таи а Кристијано Роналдо постигнал три гола: во 64’, во 6’ и во 87’ минута. Ова е 19-та победа сезонава за тимот на Роналдо кој има уште и 4 нерешени и 2 порази. На второ место се на табела, со дури 12 бода помалку од неприкосновениот лидер Ал Хилал.