Тежок е животот во затвор, за секого. Но, можеби пред се за оние кои, како него, живееле удобен живот и стекнале слава со помош на фудбалот.
Робињо е во затвор, поточно останува во затвор, уапсен во Бразил пред една година, откако беше осуден во Италија за сексуален напад. Тоа се случи во 2013 година во Милано, додека беше играч на Милан.
Се обидува да го напушти затворот, но Врховниот федерален суд - највисокото бразилско правно тело, неодамна го одби барањето на неговите адвокати, кои сè уште се борат да најдат начин да го ослободат.
Бразил не дозволува екстрадиција на свои државјани во странство, но дозволува Бразилец осуден во друга земја да ја отслужи казната во земјата во која е роден, како што се случи со него.
Ова не е прв обид неговите адвокати да побараат ослободување. Целта сега е да се обидат да му ја намалат казната од 9 на 6 години, за да може да биде ставен на полуслобода.
Одлука која ако продолжат да се одбиваат жалбите, би стигнала во 2027-ма. Велат секогаш е подреден на доброто однесување во затвор.
Казнено-поправниот дом во кој се наоѓа Робињо се вика „П2 Д-р Хозе Аугусто Цезар Салгадо“, попознат како затворот Тремембе. Се наоѓа во Сао Паоло. Познат е и како „затвор на познатите“ и во него се сместени осуденици чии злосторства, честопати брутални, предизвикаа посебно внимание во јавното мислење.
Како се одвиваат деновите на поранешната бразилска ѕвезда? Неодамна завршил курс по електроника. Слуша радио, гледа ТВ, чита книги.
Во Тремембе, Робињо исто така игра фудбал, трча, се занимава со атлетика и е дел од клуб за читање.
Во вестите објавени од затворските власти стои дека Робињо има право на таканаречено сончање на отворените простори на казнено-поправната установа, како и четири оброци дневно, а може да прима посети за време на викендите.
Во минатото казната во овој затвор ја отслужувал и Едињо, поранешен голман на Сантос и син на Пеле. Тој беше ослободен во 2019 година откако отслужил казна за трговија со дрога и перење пари.
Инаку неодамна почина еден од пријателите на Робињо, исто така обвинет за вмешаност во групното силување во Милано. Но Рудни Гомес да Силва е пронајден мртов во близина на зграда во Сантос.
Според првичните полициски истраги, тој се фрлил од зградата. Рудни тогаш не беше кривично гонет бидејќи ја напуштил Италија пред да добие известување од локалните судови.
Но, некои бразилски медиуми тврдат дека имаат снимки на кои Робињо го обвинува Рудни дека учествувал во силувањето на девојката. Случката сè уште има неколку аспекти кои треба да се разјаснат.
Робињо се прости од фудбалот по последниот обид да се врати во Сантос, по што наиде на отпор, особено од феминистичките групи. Потоа, следната казна беше неговото апсење.
Надежта во семејството сега е неговиот син Робсон де Соуза Јуниор, познат како Жунињо, кој има 17 години и игра за младинскиот тим на Сантос.
Жунињо може да смета и на поддршката од Нејмар, уште еден производ на клубот во кој се врати неодамна.
