Лионел Меси има постигнато 249 голови во шпанското првенство, а подобар од него е само Телмо Зара со 251. Историскиот момент за Примера можно е да се случи на следниот меч против Еибар или пак тој после него кога се игра Ел Класико.
Претседателот на шпанската фудбалска федерација објасни како треба да се одбележи новиот рекорд.
„Тоа ќе биде важен историски момент. Меси заслужува голем респект и кога ќе го помине Зара, треба да ја стопираме играта и да го одбележиме тоа достигнување. Зошто не би можело тоа да се случи на Бернабеу на пример“, изјави Хавиер Тебас.
Меси постигна 4 голови на последните три меча, а доколку на следните две кола против Еибар и Реал Мадрид постигне уште три, признанието за најдобриот стрелец во историјата на шпанското првенство ќе го добие на Сантијаго Бернабеу.
