Украинската фудбалска федерација на контурите од дресот ја има Украина со Крим во својот состав. УЕФА ги одобрила овие дресови а во Русија сметаат дека е класична провокација.
„Веруваме дека силуетата од мапата на Украина ќе им даде сила на играчите зошто ќе се борат за цела Украина. А цела Украина, од Севастопол и Симферопол до Киев, од Доњецк и Луханск до Ужгород ќе ги поддржува на секој меч. Ова е исклучително важно како за фудбалерите на кои многу им значи и сонуваат за настап на првенството така и за милиони наши навивачи кои веруваат во тимот на Андреј Шевченко. Фудбалот и репрезентацијата ја обединуваат Украина.“, напишал претседателот на Украинската фудбалска асоцијација, Андреј Павленко.
Покрај контури со границите на земјата во кои се наоѓа и Крим кој веќе неколку години е под руска контрола по воениот конфликт, на дресовите на Украина ќе има и два слогани: „Слава на Украина“ од надворешна страна:
и „Слава на хероите“ од внатрешна страна:
КАКО РЕАГИРАА ВО РУСКА ФЕДЕРАЦИЈА?
Украинскиот дрес веќе испровоцирал неколку пратеници во руската Дума. Дмитриј Свишев во интервју за сајтот „Чемпионат“ изјавил:
„Сите одлично знаеме - Крим е територија на Руска Федерација. Одговор на ова треба да дадат претставници од УЕФА. Ова е политичка провокација. Они уште сакаат да го привлечат вниманието на цел свет. Тие пропаѓаат поради проблеми со гасот, не можат да воспостават мир па затоа имаат проблем. Ова е пројавување слабост а не политичка волја“.
Некогашниот руски боксер а сега политичар Николај Валуев вели: „Ова е обид да се исполитизира спортот, не е убаво. Можно е на Крим да живеат граѓани со руски пасош кои ќе ја поддржуваат репрезентацијата на Украина. Овде има некаква итрост. Политиката е таква работа во која има двојни некогаш и тројни стандарди. Може да мечтаат колку сакаат но Крим е територија на Руска Федерација. За тоа не се дискутира“.
ИМА ЛИ ПОЛИТИЧКИ КОНТЕКСТ ВО СЛОГАНИТЕ?
Слоганот „Слава на Украина - Слава на хероите“ („Слава Украине – героям слава“), според украинските историчари, е користен уште во време на Украинската револуција 1917/1921 година, а веќе во ’30-те години пак почнал да се користи од страна на Организацијата на украинските националисти под раководство на Степан Бандера.
ШТО ВЕЛИ УФА?
По неколкучасовен молк се огласија и од УЕФА. Прес службата на европската фудбалска унија соопштила ека дресот на Украина за претстојното Европско првенство со контури од границите во кои се наоѓа и Крим е според правилата.
„Комплетот на репрезентацијата на Украина како и на сите други селекции на Евро 2020 е одобрена од УЕФА во согласост со постоечките правила за опрема“.
Украина на отворањето во 1. коло ќе игра против Холандија во Амстердам, а во таа група ќе игра и Македонија против Австрија во првата рунда. Нашите репрезентативци во 2. коло играат против Украинците.
