Рибери го сними дома хаосот од кражбата

Фиорентина синоќа се врати дома победнички од гостувањето против Парма, но кога Франк Рибери влегол дома, што ќе види. Ву влегле крадци и му превртиле сè за да стигнат до нешто вредно. Штетата е накит и чанти од жена му, но она што го јаде е несигурноста после овој чин.

„Сопругата остана без неколку чанти и накит, но за среќа оние најважните работи се тука. Она што ме шокира е чувството на ранливост, не можам да го прифатам ова. Како да се чувствуваме денеска по ова што се случи? Не трчам по милиони, фала му на Бога и не ми недостига ништо и можам и натаму да трчам по топката, мојата пасија. Но пасија или не, моето семејство е на прво место и ќе ја донесеме најдобрата одлука за нас како семејство“, напиша Рибери на социјалните мрежи.