Како нов предводник на Грција, Клаудио Рениери сега ќе може да игра константна одбрана, својствена за грчката селекција и за него. Тоа претходно не му успеваше во Монако со кој завршуваше на второто место во домашното првенство зад силниот ПСЖ.
Грците своите натпреварувања на Мундијалот ги завршија во 1/8 финалето каде беа поразени на пенали од Костарика, а довчерашниот селектор Сантос не ја направи очекуваната смена на генерација.
Според тоа, Италијанецот ќе има задача да најде замени за Самарас, Карагунис, Стоидис и останатите ветерани, кои ќе се збогуваат од националниот тим.
„Ги гледав натпреварите на грчката репрезентација на СП во Бразил и видов голем напредок во играта. Имав неколку понуди, но уште по првата средба со претседателот на фудбалскиот сојуз на Грција одлучив да ја преземам нивната селекција“ - изјавил Раниери на промоцијата.
