Осимен ги избришал од Инстаграм скоро сите фотки од Наполи

Работава ќе излезе од играчка плачка.

Со Виктор Осимен не оди на арно. Ако му го скролнете профилот на Инстаграм, едвај ќе најдете фотографија во дрес на Наполи.

Ја има само онаа на која е свртен со грб во скок дуел и толку. Другите сите ги изгришал, веројатно затоа што е ифрит лут за непрофесионалниот и незрел потег на човекот кој ги води социјалните мрежи на клубот.

Админот на официјалниот Тик Ток профил на Наполи, објави видео со Осимен во кое се исмејува за промашениот пенал против Болоња, а потоа го тргна.

Агентот на играчот, Роберто Календа најави дека можно е да го тужат клубот.

„Тоа што се случи денеска на официјалниот профил на Наполи на платформата Тик Ток е неприфатливо. Прво беше објавено видео во кое се исмејува Виктор, а потоа, но сега со задоцнување, избришано.

Сериозен факт што предизвикува многу сериозна штета на играчот и го надополнува третманот што го трпи момчето во последниот период помеѓу медиумските пишувања и лажните вести.

Го задржуваме правото да преземеме правни дејствија за заштита на Виктор“.

Што ме вадиш, треба победа да бркаме со двајца напаѓачи

 

27 септември 2023 - 09:20

Штета ако сте пропуштиле

Ова е спот бе клошари

Па нема само за Пржино да се секираме

Грците ја поправија таблата за добредојде

Темната страна на успехот