Од нигде никаде големи проблеми за Мбапе: Во Шведска обвинет за силување

Килијан Мбапе, најголемата фудбалска ѕвезда во светот во моментов се соочува со многу сериозни обвинувања за силување во Шведска, а тој во своја одбрана вели дека ПСЖ го мести пред многу важно судско рочиште.

Ѕвездата на Реал Мадрид го пропушти октомврискиот собир на француската репрезентација и средбите со Израел (1:4) и Белгија (1:2). Веста беше дека тој е повреден и дека ќе оди на лекување и рехабилитација во Шведска.

Но тамошните најголеми спортски медиуми, Експресен и Афтонбладет пишуваат дека шведската полиција во саботата добила пријава против Мбапе а жртвата наводно побарала и лекарска помош.

Според пријавата, нападот наводно се случил минатиот четврток кога Французинот беше уловен од фоторепортери како замаскиран влегува во хотелот Бланк во Стокхолм. Тој после една вечера во ресторан отишол во познат ноќен клуб, а потоа се вратил во хотел со црно комбе и со обезбедување.

Наводно се се случило во хотелот во кој полицијата влегла во понеделникот да истражи по налог на обвинител.

Реал Мадрид затоа доцна синоќа, во понеделникот вечер организирал итен кризен штаб на управата на која се разговарало за сериозните обвиненија против Мбапе.

Самиот Килијан (25) одлучно ги демантира наодите и на своите профили на социјалните мрежи вели дека „веста е лажна“ и дека времето одбрано за овие обвиненија не е случајно.

Тој го обвинил ПСЖ и француските медиуми дека сакаат да му ја нарушат репутациајта пред многу важно судско рочиште на кое тој го тужи поранешниот клуб за неисплатени премии, бонуси и плати во износ од 55 милиони евра.

„Многу е предвидливо, како божем е случајно пред судското рочиште“.

На овој твит на Мбапе, од ПСЖ одговориле: „Искрено, срамота е. ПСЖ е виновен за се што се случува со него. Нема дадено гол (на страна пеналите) за Мадрид? ПСЖ е крив. Ги пропуштил натпреварите за Франција? ПСЖ е крив.

Арбитражата ќе ја носи дисциплинска комисија при француската професионална фудбалска Лига 1.

Претходно и селекторот на Франција Дидие Дешам изјавил дека ова не е добро за француската репрезентација затоаш то овие гласини излегле од нигде никаде. „Има негативна атмосфера. Подобро е да се земе малку време и да се размисли пре да се објави било што. Мбапе е доволно возрасен за да знае како да комуницира“, рекол Дешамп.

15 октомври 2024 - 10:27

Штета ако сте пропуштиле

Дуче како куче

Гратис равенка

Со музика е одма подруго

Еден Софре, Софре... не е битно