Нема мобилни телефони
Очигледно играчите претходно можеле слободно да ги користат своите телефони за време на оброците, масажите и во други тајминзи кога тимот е заедно. Со Хајнкес тоа ќе можат да го прават само во соблекувалната, ама во умерени количини, само доколку тоа не ја намалува подготовката за тренинг.
Точност и фитнес
Јуп Хајнкес бара од неговите играчи да бидат точни. Тренинзите на Баерн сега почнуваат еден час порано во 10 часот. Пред почетокот на тренингот, вежбите за загревање траат подолго и се многу поинтензивни, а тимот прави вежби за стабилизација најмалку два пати неделно.
Хигиена
Од играчите се очекува соблекувалната и шкафчињата да им бидат уредно средени и чисти, што не било случај претходно.
Учтивост
Фудбалерите исто така сега ќе мора да ги поздрават сите вработени во клубот и да ги третираат пријателски со почит. Џошуа Кимих вели: Основно за функционирање на еден тим е секој да ја вреднува дисциплината, учтивоста и почитувањето. Таа почит треба да се прошири од врвот до цела најниска хиерархија.
Оброци
За разлика од Анчелоти, оброкот после тренинг сега е задолжителен. Играчите јадат заедно без мобилни телефони на маса по секој тренинг. Што се однесува до самиот оброк, Хајнкес е пофлексибилен, додека италијанскиот стратег имал нутриционист. За Германецот нутриционистите се прецените и смета дека играчите треба да ја користат главата.
Нема казни
Во согласност со авторитетот и интегритетот, Хајнкес не наметнал парични или друг вид на казни за да ги спроведе своите правила, туку тој направил ред кој очекува дека ќе се спроведе врз основа на доверба.
