Мурињо откри што му кажал на Дејан

Само неколку дена откако седна на клупата на Сампдорија Дејан Станковиќ ремизираше 1-1 на гости кај Болоња во 9. коло, а синоќа изгуби од неговиот некогашен наставник Жозе Мурињо. Сампдорија - Рома 0-1 со голот на капитенот на гостите Лоренцо Пелегрини во 9’ минута. Дорија ја чека грчевита битка за опстанок зошто се убедливо последни со дури 7 порази и 3 нерешени без ниедна победа.

Пред мечот тренерот на Рома Жозе Мурињо со кого Станковиќ освои историска триплета кога со Горан Пандев беа дел од Интер, Португалецот го гушна Србинот.

„Што му кажав? Па не сакам да ви откривам премногу но го прашав дали се сеќава на еден неверојатен гол кој го постигна на овој терен, тоа беше гол од половина терен. Ми кажа дека многу ме сака, а и јас многу го сакам него“, кажа Жозе кој со Рома игра топло-ладно сезонава.