Милан Илоски растура во САД. Од 5 август е член на Филаделфија, а претходно имаше фантастичен учинок во дресот на Сан Диего, каде постигна 10 гола на 14 настапи.
На мечот против Ванкувер летово имаше блесок, досега невиден во МЛС лигата, а тоа се 4 гола кои успеа да ги постигне во само 12 минути.
Рекордот стана уште поинтересен за нашите медиуми, поради негото презиме. Илоски е Американец со македонско потекло по таткова страна.
Во интервју за rg.org вели дека е отворен за соработка и дека претставувањето на националниот тим е вистинска чест.
„Разговарав со неколку играчи во тимот. Тоа би била многу интересна можност што би ја разгледал доколку ми се претстави. Секако зависи од тоа како ќе одат работите и какви други можности има за мене, но би разгледал сè. Тоа би бил позитивен чекор во мојата кариера. Отворен сум за сите можности. Претставувањето на националниот тим е вистинска чест.“
„Целата страна од кај татко ми е македонска. Пораснав со моите баба и дедо кои ми зборуваа македонски. Иако не зборувам баш добро, го разбирам јазикот доста добро и секогаш комуницирав со нив на македонски. Горд сум што сум од Македонија. Пораснав со македонските вредности, тоа е голем дел од мојот карактер“, вели Илоски.
Фудбалот е длабоко вкоренет во семејството Илоски, бидејќи и татко му и постарите браќа, Ерик и Брајан, сите играле професионално.
Идол му е Вејн Руни, менталитет кој посакува да го внесе во неговата игра.
Целото интервју на Милан Илоски го имате тука.
