Мауританиа е во транс и го слави по улици првото осминафинале во историјата

Јануари месец излезе преполн со спортски настани. Од ЕП во ракомет, Австралија опен, Куп и Супер Куп битки колку сакаш, па сè до Африкански Куп на нации каде се случуваат сензации.

Во Африканскиот Куп на нации владетел е Египет со 7 трофеи, па Камерун со 5, Гана со 4, Нигерија со 3, но сте слушнале ли вие за Мауританиа, земја со 4,3 милиони жители која се наоѓа во северозападниот дел на Африка?

На 34-то издание на Африканскиот Куп на нации кое се одржува во Брегот на Слоновата Коска се појавуваат за трет пат во историјата. На првите две појавувања во 2019 и 2021 не победиле ниту еднаш, а со порази од Ангола и Буркина Фасо стартуваа и во ова издание.

Во третото коло, Мауританиа извади сензационален резултат и со првата победа во историјата на ова континентално натпреварување се избори за осминафинале. Го урна фаворитот Алжир на Ријад Марез, кој е двократен првак.

Јунак на мечот е Мохамед Јали кој голот вреден историја го постигна во 37-ма минута. Играчите на крај беа во лудило, а асистентот на селекторот пресреќен гушкаше едно од децата кое собира топки. Големата победа се славеше и на улиците во оваа анонимна фудбалска земја.

Во осминафинале се среќаваат со Зеленортските острови.

25 јануари 2024 - 12:11

Штета ако сте пропуштиле

Политичките бегалци на Калифорнија

Гркот Зорба и пеколот наречен Егејска Македонија

Дури има овци, ќе има и мафија

Кој е убиениот Арап во „Странецот"?