Фудбалерите на Манчестер Јунајтед ја осигураа победата уште по првото полувреме кога имаа големо водство со хет-трикот на Робин ван Перси за 33 минути.
Славјето започна уште по само 82 секунди кога Рајан Гигс го проигра Ван Перси и тој одблизу ја затресе мрежата.
Во 13-та минута Ван Перси го зголеми водството со волеј удар и еден од најувавите погодоци оваа сезона, а по 33 минути игра по уште една асистенција од Гигс, тој веќе го реализираше и својот хет-трик.
По долгиот пост без голови, Ван Перси сега го презеде и лидерското место на листата на стрелци со 24 погодоци, пред Суарез кој има 23.
Манчестер Јунајтед има 84 поени, 16 поевеќе од минатогодишниот шампион Манчестер Сити, со што „црвените ѓаволи“ и математички ја обезбедија титулата. Ова е 13-та шампионска титула за Манчестер Јунајтедво ерата на Алекс Фергусон.
Ако победат на сите преостанати натпревари до крајот на сезоната, фудбалерите на Манчестер Јунајтед можат да го срушат и рекордот на Челси од сезоната 2004/2005 кога тие ја освоија титулата со 95 поени.
