Лука Модриќ е фудбалскиот владетел за 2018-та година

Она што се шпекулираше, а многумина го претпоставуваа и очекуваа, вечерва само се официјализираше. Плејмејкерот на Реал Мадрид и Хрватска, Лука Модрид е новиот освојувач на Златната топка.

По 10 години во низа, Лука Модриќ им ја прекина доминацијата на Лионел Меси и Кристијано Роналдо, кои беа неприкосновени кога е во прашање изборот за фудбалер на годината според „Франс фудбал“.

Најпрестижниот француски магазин од 1956-та година го доделува ова признание и за прв во историјата наградува хрватски фудбалер. Пред да почне низата на Меси и Роналдо, Златна топка во 2007-ма беше Кака.

Модриќ до ова признание стигна убедливо со 753 поени, пред Роналдо кој освои 476. Меси се најде на петта позиција, а со сиромашни 19 поени Нејмар заврши на 12-та позиција.

За мозокот на актуелниот првак на Европа, 2018-та е година од соништата. Прво стигна до четвртата европска титула со Реал Мадрид, а потоа блесна на Мундијалот во Русија и ја однесе Хрватска до финале.

Хрватот само годинава беше прогласен за најдобар играч на СП 2018, најдобар играч според УЕФА во Лига на шампиони, најдобар играч во светот според ФИФА, а вечерва Златната топка му беше круна во кариерата.

На церемонијата во Париз, наградата за најдобар млад играч отиде во рацете на Килијан Мбапе.

Последните 18 освојувачи:

3 декември 2018 - 22:31

Штета ако сте пропуштиле

Тетовиран живот

Коментари од кои се крева коса на глава

Запознајте се со цензурираните: Брет Вајнстин

Бојлерчино