Лудачки ролеркостер на Стемфорд Бриџ, Манчестер Јунајтед загуби со голови во 100-та и 101-ва минута

Тешко се раскажува синоќешниот пресврт од дербито на колото во Премиер лига, меѓу две екипи без карактер, кои котираат на 6-та и 10-та позиција, а едно време демонстрираа моќ и секогаш целеа на титулата.

По лудите 3:3 меѓу Њукасл и Вест Хем пред само пет дена, Челси и Манчестер Јунајтед приредија нова драмолетка во 30. коло од Премиер лигата. 

Паднаа 7 комада, а на крај се радуваше Челси со триумф од 4:3 и тоа со два гола на Кол Палмер во 100-та и 101-ва минута.

Трилер битката во дербито го одбележаа два пресврти. По 19 минути игра Челси имаше 2:0 со головите на Галагер и Палмер од пенал.

И кога се чинеше дека тимот на Тен Хаг ќе се соочи со дебакл, се вратија експресно со два гола во рок од 5 минути за 2:2, стрелци Гарначо и Фернандеш во 34 и 39 минута.

Првиот дел со 4 гола беше само увертира на лудото сценарио кое никој не можеше да го предвиди. Во 67-та минута Гарначо постигна нов гол и го сврте Јунајтед на 2:3.

Длабоко во продолжението, кога се чинеше дека мечот е решен, Челси го изрежира еден од најлудите пресврти во историјата на Премиер лигата.

Најпрвин Далот несмасно одигра во одбрана во дуел со Мадуеке и Челси доби втор пенал на мечот кој го реализираше Палмер.

Во следната минута на гостите им се помрачи, откако истиот играч повторно го совлада Онана за делириум на трибините и очај на Црвените ѓаволи.

Најлудиот трилер во Премиер лига сезонава

 

5 април 2024 - 08:16

Штета ако сте пропуштиле

Кој го уби Сашко Гешовски?

Јеби га

Girl Power!

Време е за Дис