Лобот на Пандев ала Марадона влезе во топ 5 голови на сезоната во Серија А

Иако пред месец дена мртва трка за наградата водеа Горан Пандев и голманот на Беневенто, сепак на крај признанието им го лапна оној кој беше прогласен и за најдобар играч на сезоната во Серија А, за што и самиот беше малку зачуден.

Мајсторијата на Горан Пандев против Верона е избрана за четврти најубав погодок на сезоната во Серија А. И покрај тоа што до пред еден месец за капитенот на Македонија гласаа 18%, а херојскиот гол на голманот на Беневенто против Милан водеше со 19%, сепак нашиот фудбалер не успеа да ја добие наградата.

Вкусот на гласачите сакаше гол број 1 да биде оној на Мауро Икарди кој со петица и даде гол на Сампдорија. Напаѓачот на Интер победи со 24% од гласовите, Алберто Брињоли е втор со 18%, Сусо трет со 14%, а Горан Пандев четврти со 12%.

Мауро Икарди кој се закити и со признанието за играч на сезоната изјави дека голот против Милан му бил подобар, но и покрај тоа им се заблагодари на сите кои гласаа за него. Ние пак мислиме дека ова е мајсторијата која ретко се гледа и која го заслужи првото место.

На церемонијата организирана од Асоцијацијата на италијански фудбалери која се одржа синоќа во Милано беше избран и најдобриот тим на минатата сезона.