„Уште еден дебитант. И тој игра во нападот“ - кратко пиша Газета дело Спорт а подгоричката Побједа беше посликовита: „Доволно овој млад и перспективен играч да се охрабри“.
„Со тренерот Кавазин отидовме во Никшиќ да го гледаме наследникот на Савичевиќ на лице место. Сепак работите не тргнаа како треба, Мирко ја пружи најлошаа партија која можете да ја замислите“, раскажуваше Корвино за младиот Црногорец.
Зелениот Никшиќ го заменил со мирисот на морето во Лече, а го сместиле во хотелот Пастор Бонус каде престојувале и другите питомци на Лече Бугаринот Валери Божинов, Алекс Конан, Кристијан Ледезма и Ернесто Шевантон. Во прилагодувањето најмногу му помогнал 8 години постариот Хрват Давор Вугринец.
Кавазин го внесе во првиот тим, но непрестаната борба за гол опстанок во лигата ги диктирала правилата. На екипата не ѝ требале млади уметници, но искусни борци. До крајот на првата сезона во Лече, Мирко настапил на три меча и вкупно 48 минути.
„Да се гледа играта на Мирко е како да стоиш пред сликата на Ван Гог и да уживаш во тишина. Неговите елегантни потези се фудбалска уметност", изјави Кавазин подоцна.
Незгодниот темперамент Мирко првпат го покажал во ноември 2001. година кога за време на дуелот на младинците против Кротоне вербално и физички го нападнал судијата. Дисциплинците го казниле четири месеци. Корвино тогаш му вовел додатни мерки - секое утре Никшиќанецот морал пред 8 часот наутро да ги отклучи клупските простории и да седи таму до попладне кога имал тренинг.
„Сакав да го научам да ги почитува правилата и луѓето. Среќа ја разбра пораката", истакна искусниот Корвино.
Во меѓувреме во јануари 2002. година Кавазин мораше да замине од Лече поради испаѓањето во Серија Б, а екипата ја презеде Делио Роси. На 29 второлигашки натпревари постигнал 6 голови и му помогнал на Лече да се врати во Серија А. Следната 2003/2004 Вучиниќ го дал првиот гол во најдобрата лига, но тешко ги повредил лигаментите и паузирал.
Нов тренер станал легендарниот Чех Зденек Земан кој изјави „Ако е роза, ќе процвета" за Вучиниќ. Во екстремно офанзивната формација 4-3-3 кај Земан, Вучиниќ постигна 19 голови на 29 натпревари и ги заинтересира џиновите од чизмата.
Одличните партии на клупско ниво го препорачаа во репрезентацијата, на 4. јуни 2005. дебитираше за Србија и Црна Гора а на 12. ноември со хет-трик против Хрватска ја одведе Србија и Црна Гора на Европското првенство за млади.
Лече ги продаде Шевантон во Монако за 10 милиони, Божинов во Фиорентина за 15 милиони и дојде ред на Црногорецот. Најупорна беше Рома која во август 2006-та на клубот од Пуља му изброи 19,5 милиони евра во две години. Следуваа пет сезони на Мирко во Рим, три во Јувентус, три титули, два купа на Италија, 10 голови во Лигата на шампипоните од кои по еден на Јунајтед, Челси и Реал Мадрид.
Во јули 2014-та Вучиниќ (33) се пресели во ОАЕ, во тимот на Ал Џазеира а во моментов се опоравува од тешката операција на вкрстените лигаменти.
„Лече е моја втора куќа која со времето ми стана прва, затоа што многу ми даде. Таму ја запознав својата сопруга и сакам да живеам таму по крајот на кариерата", изјави во јануари годинава Вучиниќ при посета на Пуља.
