Челниците на Ливерпул ја загубија вербата во Кени Далглиш и тој ја плати цената за разочарувачките резултати на клубот.
Кени Далглиш помина 18 месеци на клупата на Ливерпул, а за овој период беше освоен Карлинг купот, но беа срушени неколку негативни клупски рекорди. Ливерпул сезоната ја заврши со само 52 поени на осмото место што е најслаб скор на клубот од формирањето на Премиер лигата, а на домашен терен остварија само шест победи, нешто што се нема случено од 1949-та.
Да беше било кој друг тренер, ќе заработеше отказ уште многу одамна, но никој немаше храброст да го отпушти „Кралот Кени" како што го нарекуваат во Ливерпул.
Иконата на Ливерпул како фудбалер со овој клуб има освоено шест титули во Англија и три трофеи од европскиот куп, а за време на неговиот претходен мандат како тренер, Шкотланѓанецот го предводеше Ливерпул до три шампионски титули.
Подемот и падот на Кралот Кени
Кени Далглиш пристигна на Енфилд од екипата на Селтик во 1977-та година и имаше деби од соништата откако постигна гол по само седум минути игра на својот прв натпревар
Далглиш го постигна единствениот гол на финалето од Европскиот куп во 1978-та година против Клуб Бриж
Во 1981-та година тој повторно го подигна трофејот од Европскиот куп откако во Ливерпул го победи Реал Мадрид на финалето во Париз
Препознатлива слика на Енфилд - Кени освои шест титули во англиската лига
Тренерската кариера ја започна во Ливерпул, а тој беше на кормилото на клубот кога се случи катастрофата во Хилсборо во 1989-та година
Како тренер го предводеше Ливерпул до три титули во 1986, 1988 и 1990
По кратка пауза од фудбалот, ја освои Премиер лигата и со Блекбурн во 1995
Во јануари 2011 се врати во Ливерпул
Далглиш се збогуваше со Енфилд по победата над Челси со 4:1, но веќе следната недела загуби кај Свонси во последното коло од Премиер лигата
