Кошмарот на Меси се вика Алисон Бекер

Првиов некои го сметаат за најдобар фудбалер на денешницата, ама другиов е најскап голман во историјата кој уво не го боли што Меси е толку јак. Го сотре во три нокаут фази по ред со три различни дресови и тоа без примен гол.

Аргентина синоќа по 2:30 после полноќ по наше (кој седел како вампир ќе раскажува) загуби од Бразил со 2:0 во полуфиналето на Копа Америка и со тоа ја продолжува проклетата низа без освоен трофеј.

Тоа беше уште еден дуел на Алисон и Меси кој чепна во статистиката. Овие двајца играчи од март 2018-та до сега се имаат сретнато вкупно пет пати. Меси победил два, а загубил три пати. Но во сите три наврати бил елиминиран во нокаут фаза и Алисон успеал да остане несовладан.

Прво во април 2018-та Рома ја елиминираше Барселона во четвртфиналето од ЛШ со триумф од 3:0 откако загуби 4:1 на Камп Ноу. Потоа во мај годинава Барселона беше нокаутирана со 4:0 од Ливерпул во полуфиналето од ЛШ и елиминирана со вкупни 4:3.

Што значи синоќешното нивно соочување е вкупно трето кое повторно го добива Алисон Бекер, но овој пат на репрезентативно ниво.

Пазете како му ја фати жива од слободен удар

Твитерот се запали:

3 јули 2019 - 09:19

Штета ако сте пропуштиле

Папучар

Писма на читатели кои знаат каде тргнале

Зошто шупците се поздрави од другите?

Извини, ама "селфи" не е уметност