Како Панчев ги исплеска Грците

Кобра денеска слави јубилеен 50-ти роденден, а тоа што повеќе не се раѓаат како него е само мал дел од причините за нашите резултати во фудбал. Бидејќи често е верглана онаа легендарна снимка од Бари каде Црвена Звезда ја носи на европскиот трон, ќе ве потсетиме на еден негов друг историски меч.

Како Европски шампион, Црвена Звезда на 4 март 1992-ра му гостува на Панатионаикос на Олимпискиот стадион во Атина, пред 80.000 гледачи на меч од Европскиот куп на шампиони. Новинарите за изјава го барале нашиот напаѓач кој во пасош бил напишан како Македонец. Тоа претставувало проблем за Грците кои го задржале подолго на граница, но потоа не можеа да го задржат на терен кога постигна два гола за конечен резултат 0:2.