Арбен Нухиу во финишот од натпреварот и донесе победа на Уника во дуелот со Еуро Табак
Уника (4-3) Еуро Табак
Уника: Шабан Чупи 7' Бенјамин Граинца 12' Арбен Нухиу 15'
Еуро Табак: Дејан Јанковски 8' Борче Стојанов 5'
Интересно прво полувреме одиграа екипите на Уника и Еуро Табак, прва во водство дојде екипата на Еуро Табак во 5та минута. Екипата на Уника за кратко време успеа да спреми одговор и преку Чупи да израмни на 1-1. Екипата на Еуро Табак со одличниот погодок на Јанковски успеа да дојде повторно во водство, но по оваа негатива екипата на Уника направи неколку промени што вродија со целосен пресврт и водство од 4-3 водство кое успеа да го сочува до крајот на полувремето. Во второто полувреме се продолжи со високо темпо на игра и со многу шанси за гол и на двете страни. Екипата на Еуро Табак вршеше притисок кон голот на Уника со цел да дојде до израмнување што им успеа во 29та минута, сепак екипата на Уника во своите редови го имаше расположениот Арбен Нухиу кој со два гола во 39та и 40та минута стави точка на натпреварот и и донесе победа на Уника од 6-4.
Искуството на Рамстор пресудно во дуелот со Маркарт
Рамстор 9-4(6-1) Маркарт
Рамстор: Ибрахим Бекир 3' Михрем Мемед 11' Аријан Цами 20' Зоран Алексовски 17' Виктор Глигуровски 4' Ведат Арслан 8' 22' 27' 40'
Маркарт: Александар Ристовски 23' Пеце Стојанов 3' 24' 32'
Првото полувреме од дуелот помеѓу Рамстор и Маркат и припадна на екипата на Рамстор која уште на самиот старт успеа да направи солидна предност која умешно ја одржуваше до крајот на полувремето. Екипата на Маркарт со чести ротации во текот на целото полувреме се обидуваше да ја пронајде својата игра, тие успеваа да креираат одлични шанси за погодок но имаа слаба реализација што ги чинеше висока негатива на полувремето од 5-1. Во второто полувреме екипата на Маркарт со сите сили се обидуваше да дојде до израмнување и фрлија се на една карта, нападот. Таквата отворена игра знаеше да ја казни екипата на Рамстор која преку контра напади од минута во минута го зголемуваше водството за на крајот да победи со убедливи 9-4.
Во драматична завршница Матрикс поуспешен од Гранит
Гранит 6-8(4-4) Матрикс
Гранит: Дарко Петров 6' 8' Дарко Стојановски 11' 37 Ристе Бошков 2' 32'
Матрикс:Дарко Цветковски 3' 11' 32' Петре Даиловски 2' 22' 40' Ивица Алампиоски 4' Горан Манасиевски 39'
Возбудливо прво полувреме одиграа екипите на Гранит и Матрикс, уште на самиот старт во 2та минута екипата на Матрикс постигна погодок за водство од 0-1. Истата минута екипата на Гранит со брз одговор за израмнување од 1-1. До крајот на полувремето и двете екипи одиграа во високо темпо на игра, со многу шанси за гол наизменично се менуваа во водството. На полувреме се замина со изедначен резултат од 4-4. Во второто полувреме се продолжи во висок ритам на игра со одлични воиграни акции и атрактивни потези. На самиот старт екипата на Матрикс успеа да постигне погодок и да го превземе водството, по ова екипата на Гранит се префрли на противничко поле вршејќи притисок со цел да дојде до израмнување што им успеа негде околу средината на полувремето. Финишот од натпреварот беше вистинска драма во која поконцентрирана беше екипата на Матрикс и успеа да го добие овој натпревар со 6-8.
