Искрена и емотивна исповед на Адриано кој место пари сакал да биде среќен

Колку и да забега во лоши друштва по тоа фавелите во Бразил, Адриано со години остана најзборувана бразилска ѕвезда која не светна до крај. Непосакуваниот пад му се случи кога почина татко му, психолошки удар кој не го издржа додека пукаше неодбранливи бомби во дресот на Интер со кој освои две Скудета. Токму и тоа го истакнува, дека тогаш наместо пари бил во потрага по својата среќа.

„Среќата е поважна од парите. Јас се избрав себе и фамилијата. Го изгубив татко ми и не сакав да го лажам Морати и да играм фудбал без воља. Избрав да одам во Бразил, бидејќи така се чувствував, дека морам да одам дома“.

Инаку за помладите. Адриано во 2004 и 2005 им донесе титули на Бразил во Копа Америка и Куп на Конфедерации и заврши како најдобар стрелец на двете натпреварувања. На СП 2006 беше дел од таканаречената магична четворка со Роналдо, Роналдињо и Кака.