СП 2018

Хрватска е во четвртфинале, Субашиќ полуд од Шмајхел

По нерешени 1:1 после 120 минути игра, репрезентацијата на Хрватска ја победи Данска на пенали и сега во четвртфиналето во Сочи ги чека домаќинот Русија.

Четвртфинале, резултати:

ХРВАТСКА - ДАНСКА 1:1 (1:1, на пенали 3:2)

Русија на пенали, Хрватска исто на пенали.

Победниците на неделните натпревари, на 7 јуни во Сочи ќе играат меѓу себе.

Мечот почна неверојатно откако Данците поведоа со 0-1 уште во прват минута откако Даниел Субашиќ неспретно реагираше и практично сам си ја стави топката во гол:

„Коцкестите“ не чекаа многу и три минути по шокантниот гол, израмнија на 1:1. Манџукиќ беше најснаодлив во шеснаестникот на Скандинавците:

Од тој огномет во првите 10 минути, мечот во следните 80 изгледаше тактички многу тврдо. Двете селекции се надмудруваа на средината, без сериозни прилики на двете страни па се отиде на продолженија.

А таму драма.

Во 115. минута од продолженијата Лука Модриќ маестрално го проигра Ребиќ кој излезе сам пред Шмајхел, го помина и кога требаше само да ја внесе топката во празниот гол, зад грб го фаулираше Јоргенсен кој доби само жолт картон.

Капитенот на Хрватска имаше идеална шанса од пенал да го реши мечот но Каспер Шмајхел „му ја фати жива“ по млакиот удар:

Дојде ред и на пенал рулетот. И двете селекции беа непрецизни во првата серија во која царуваа Шмајхел и хрватскиот голман Даниел Субашиќ (промашија Ериксен и Бадељ). Следеа погодоци на Кјер, Крамариќ, Крон-Дали и Модриќ а потоа на сцена повторно се појавија Субашиќ и Шмајхел кој им ги одбранија ударите на Шене и Пиваариќ.

Но хрватскиот голман му го фати и ударот на Николај Јоргенсен со неверојатна парада а луда прослава на четвртфинале на Хрватите им носи Иван Ракитиќ со гол за 3-2 во пенал серијата:

1 јули 2018 - 23:12

Штета ако сте пропуштиле

Говорете англиски, со Рики Џервеис

Како кинеските возачи им пресудуваат на пешаците

Има бетер и од Нобелова

Фидел Кастро: Ок, толку од мене