Голманот на Сиера Леоне ти е прав камиказа

Африканскиот Куп на нации уште во прво коло донесе сензационален резултат. Ѕвездата Марез остана во сенка, а херој е анонимен голман од Сиера Леоне кој бранеше како лудак. За национален херој го прогласија и тоа за нерешен резултат.

Селекцијата на Сиера Леоне како аутсајдер извлече 0:0 против Алжир, кој ја брани титулата во Купот на Африкански нации. Резултат кој ги изненади сите.

За Сиера Леоне ова прв настап на ова натпреварување по 1996-та и вкупно трет во историјата, а за Алжир прв меч после октомври 2018 на кој не успеаа да постигнат гол.

Заслугите за тоа одат кај Мохамед Камара кој е хит број 1 после средбата. Се работи за непознат голман кој брани во својата земја за Ист Енд Лајонс, но со синоќешниот перформанс стигна до насловните страници.

Го има веќе и на Дејли Мејл, кој пишува дека е малку луд во начинот на кој игра и многу сака да излегува од неговата линија, можеби премногу. Но сепак е ефикасен и кошмар за секој што се обидува да му даде гол.

22 годишниот голман имал седум одбрани со кои целосно ја заслужи наградата за најдобар играч на мечот, а поради херојството меѓу стативите го сметаат дури и за национален херој во Сеира Леоне.

Доволно е да ја изгледате оваа куса компилација од мечот за да сфатите дека се работи за неконвенционален голман, кој со својот стил прави чуда на терен, па и забава. Нема ни одиграно ниту 10 меѓународни средби.

Погледнете ја оваа возбуда кога му го дадоа признанието. Не можеше да зборува кутриот.

Сите зборуваат за него, а тој во второто коло повторно ќе има тешка задача, бидејќи Сиера Леоне се соочува со Брегот на Слоновата Коска, меч на кој повторно е аутсајдер.

12 јануари 2022 - 08:23

Штета ако сте пропуштиле

Денот кога Бони М правеше свадба во Скопје

Колку пари ти требаат за да пливаш во пари?

Оффнет има некој баг

Каде овде е лево?