Лудачкиот пресврт против Аталанта во Лига на шампиони на која од 0:2 на полувреме и се вратија јуначки на 3:2, не им ги лечи раните на фудбалерите на Манчестер.
Очигледно им недостига карактер со кој треба да внесат стабилност. По убавиот старт од 4 победи и едно реми, на последните четири средби загубија дома од Астон Вила 0:1, па одигра дома 1:1 со Евертон, а потоа два дебакли во низа, 4:2 од Лестер и 0:5 од Ливерпул.
Статистиката извади податок дека ваков срамен пораз на домашен терен не паметат во блиско минато. Последен пат да примат дома 5, а да не дадат ниту еден гол, им се случило дури во 1955-та година во градското дерби со Сити.
„Резултатот е сеизмички, а Солскјер е сега во позицијата како што беа Мојс, Ван Гал, Мурињо, односно сè поблиску до отказ. Манчестер Јунајтед е скршен клуб и заканите кон тренерот се реални“, пишува Дејли Мејл.
И покрај сите рекорди и возвишувања, Кристијано Роналдо сепак се посрамоти и почна да го клоца Џонс, со што само јавно ја демонстрираше својата фрустрација за поразот. Потег за кој требаше да добие црвен картон.
Немоќта на Манчестер ја демонстрираше и Погба кој поради несмасен старт во 60-та минута доби црвен.
Срамниот пораз Јунајтед го имаше запечатено веќе во 50-та минута кога на семафорот стоеше 0:5, неиздржлива гледка за навивачите кои почнаа да го напуштаат Олд Трафорд.
А реакцијата на Фергусон?
Во интересна конверзација беше уловен Џеси Лингард.
Навивачите тешко дека би простиле ваков пораз на домашен терен.
Манчестер сега е седми на табела со само 14 бодови од можни 27, а не им е наклонет ниту распоредот.
Инаку Салах е прв играч по 18 години кој успеа да постигне хет-трик на Олд Трафорд. Претходно тоа му успеа на Роналдо Бразилецот во 2003-та во дресот на Реал Мадрид.
Со овие три гола, Салах е најефикасен африкански стрелец во Премиер лига со 105 погодоци.
Головите
