Денот кога Клоп го разби проклетството после шест загубени финалиња

Лани ова време бевме во еден поинаков карантин, затоа што освен ракометното полуфинале на Вардар против Барселона во Келн, се играше и финалето на фудбалската ЛШ. Ден на кој Јирген Клоп ќе се навраќа до крајот на животот, затоа што конечно успеа.

Херој е и упорен е. Зошто?

Финале во ЛШ 2013-та: Пораз.

Финале во Куп на Германија 2014: Пораз.

Финале во Куп на Германија 2015: Пораз.

Финале во Лига Куп 2016: Пораз.

Финале во Лига Европа 2016: Пораз.

Финале во ЛШ 2018: Пораз.

Малерозната серија на Клоп траеше дури на шест финалиња по ред, а тој беше очаен и убеден во следнава теза:

„Можеби сум им симпатичен на сите затоа што не можам никако да победам“.

Но на крај, на 1 јуни 2019-та проклетството заврши, откако неговиот Ливерпул го совлада Тотенхем со 2:0 и го подигна пехарот во Мадрид.

Така симпатичниот лузер конечно стигна до голем триумф, кој им го вети на навивачите.

Голем е не само затоа што доста умешно го сплоти тимот и извади максимум од секој играч, туку и затоа што беше способен како млад тренер, клуб како Мајнц да го однесе во прва лига.

Човек како него не може никогаш да стане антипатичен, а страста која ја покажува за фудбал и харизмата која ја носи со себе му се посебна одлика.

Ова е негов ден, на јунаците на Ливерпул и нивните навивачи.