Делириум во фан шопот на Јуве во Милано со Буфон

Откако се сретна со навивачите и ги мина медицинските прегледи во Торино, Џиџи имаше голем пречек и во Милано каде Јувентус отвори нов фан шоп. Нема да ја носи единицата, туку една друга бројка по која е препознатлив од минатото.

Џиџи Буфон во новата и негова последна сезона во кариерата ќе го носи бројот 77. Тој што не ја памети култната Парма, нема да го сфати неговиот избор.

Двајца негови колеги имаа спремено понуда во однос на бројот на дресот и капитенската лента, но Џиџи излезе голем, бидејќи изјави дека не се врати да зема, туку да дава.

„Сакам да им се заблагодарам на Војчех кој ми го понуди дресот со број 1 и на Џорџо за капитенската лента, но ги одбив. Мислам дека единицата треба да ја носи првиот голман, а за Кјелини сум горд што го имаме за капитен. Ќе ја носам 77-цата бидејќи ја претставува мојата историја. Ја носев во Парма и ми носеше среќа“.

„Имав можност да играм со Нејмар и Мбапе, а сега и со Кристијано Роналдо. Не сум тука за да мерам колку минути ќе бидам на терен. Во Јуве има хиерархија, прв голман е Војчех, а ако има потреба од мене ќе бидам спремен“.

Првиот дрес сам си го иштампа

5 јули 2019 - 09:53

Штета ако сте пропуштиле

Сте ја слушнале ли химната на СОНК?

Зошто не ни треба ништо?

Коста Бургов има нова музичка бомба

Обуки за диверзитет и инклузија се бадијала горење пари