Составот на Висенте Дел Боске во кој имаше 7 фудбалери од Барселона веднаш се наметна со својата препознатлива брза игра со многу кратки додавања, а Уругвајците немаа лек како да се одбранат. Педро со волеј удар од 20 метри биеше силно, а топката удри во еден од дефанзивците со што го измами голманот Муслера.
Во 31 минута во разредената одбрана на Уругвај сам на работ на шеснаетникот се најде Солдадо, а Цеск Фабрегас со многу чувство го проигра голгетерот на Валенсија кој пласираше прецизно за водство од 2:0.
Уругвајците се разбудија многу касно во 88 минута, кога Луис Суарез со фантастичен слободен удар, идентичен како оној на Пирло на мечот против Мексико, ги постави конечните 2:1.
