Бензема е ова или Кристијано Роналдо?

И покрај Ковид пандемијата во редовите на Реал Мадрид кој на тешкото гостување во Баскија отпатува без дури 11 играчи, кралевите демонстрираа моќ со нови 3 бода. Бензема не запира.

Само првите 10 минути од средбата Атлетик Билбао - Реал Мадрид беа доволни да ги гледате за да ги видите сите голови, како и конечниот исход од 1:2.

4 минута - Карим Бензема, 7 минута - Карим Бензема, 10 минута - Оихан Санцет.

А инаку Реал играше без Алаба, Асенсио, Бејл, Карвахал, Каземиро, Себалос, Иско, Лунин, Марсело, Модриќ и Родриго.

Но и покрај тоа славеше победа и уште еднаш покажа кој е главен фаворит за титулата сезонава. Сега е на +8 од Севиља, која има меч помалку.

Сите зборуваат за првото голчиште на Бензема за кој се вели дека му е еден од најдобрите во кариерата. Мајсторлук на прва, без да гледа во гол.

Бензема сезонава растура и има вкупно 20 голови од кои 15 во Ла Лига, каде е прв стрелец и 5 во ЛШ. Во 2021-ва е трет стрелец во топ 5 лигите.

На 34 години кои ги наполни пред четири дена, ја игра сезоната на кариерата.

23 декември 2021 - 07:39

Штета ако сте пропуштиле

Не беше Платон толку голем, само прв се роди

Роуан Аткинсон за слободата на говорот

25 новинарски заповеди

Сакаме избори!