Шампионскиот состав на Мурињо од 2010-та, следната сезона го презеде Бенитез со кој ја минаа групната фаза заедно со Тотенхем, во конкуренција на Вердер и Твенте кои мораше да се збогуваат од фазата по групи.
Во Лондон, Интер загуби 3:1, но две недели претходно на Сан Сиро имаше голеада со 7 погодоци на меч кој исто така го доби домашниот тим.
Пандев доби шанса во вториот дел откако веќе неговите колегија ја завршија работата и имаа 4:0 до 35-та минута. Стрелци беа Занети уште во втора минута, Станковиќ и два пати Ето.
И покрај резултатот од прво полувреме по кој беше нелогично да има неизвесност и вториот дел беше супер интересен за гледање. Се појави едно 21 годишно дете од Велс кој по лево се движеше како јапонски воз. Самуел и Занети џабе го бркаа.
Постигна хет-трик, доста задоцнет бидејќи вториот и третиот гол ги даде на крај, но тоа беше знак дека левиот бек на Тотенхем уствари треба да игра во напад, што потоа и се случи.
Вечерашната пресметка меѓу Интер и Тотенхем ќе биде вкупно петта на европските натпреварувања. И двете екипи имаат по две победи. Одиме со хет-трикот на Герет Бејл на нивното последно соочување.
Сите голови
