Off Topic

Водич за пиење од Леми Килмистер

Уште во 2005 година, пејачот и фронтмен на Моторхед, Леми Килмистер, во интервју даде неколку тешко стекнати совети за пиење алкохол. Тој отсекогаш важеше за исклучително веродостоен извор по ова прашање. Има тука неколку интересени цаки.

Новиот српски парламент има пратеник со боенка

Во новиот состав на парламентот на Србија има осум глумци, пола од кај студентите, пола од кај Вучиќ. Еден од кај студентите е и актерот Бојан Димитријевиќ, познат како наркоманот Пикац од серијата „Вратиће се роде“. На првиот ден на новата работа земал боенка, за кога ќе му биде досадно. Симпатично, ако човек заборави дека се колнеа како 24/7 неуморно ќе се борат со криминалниот октопод на претходната власт.

„Подобрата Србија“ демонстрира простаклук

Група победнички бадијалџии се собраа пред зградата на српскиот парламентг каде се одржува конститутивна седница на новиот парламентарен состав. За да им аплаудираат на своите и да викаат „уаа“ на другите (јаки потези, јаки герили). Најглупата меѓу нив ја потури со јогурт по глава актерката Лидија Вукиќевиќ која има мандат од СНС.

ВИ музиката ги доби своите Греми

Во Лос Анџелес биле одржани првите AI Music Awards за музика креирана со вештачка интелигенција. Распоредени во 25 музички жанра и три категории: скроз ВИ, делумно ВИ и хибридни песни во кои вокалот е на клониран човечки глас. Влез за настанот бил 250 долари. Ги имаме победниците. Некако ни немаат душа :)

Политичар е за да те фарба

Во 2021 година, локални политичари во изборна кампања решаваат да им покажат на своите гласачи дека тие се луѓе од народот па наместо само ветувања, да демонстрираат дека се подготвени конкретно да им помагаат на луѓе. На пример, да освежат со боја фасада на една скромна куќа, па удираат ваљак, се разбира, пред камери и новинари. Да ја видите куќата пет години подоцна.

После победата доаѓаат прашања

Изгледа дека сè може да се смести под ист политички покрив: европски интеграции, пријателство со Русија, воена неутралност и по некоја историска благодарност. Политичката програма е како шведска маса – земате што ви се допаѓа, а ако некогаш стигне сметката, едноставно ѝ ја префрлате на следната влада.

Не прашуј ако не си спремен за одговорот

„Не мислам ништо, не се разбирам во политика“, рече жената обидувајќи се да го избегне прашањето на новинарката дали треба сите во Украина да се обединат против руските агресори. А потоа нешто се прекрши во неа па сепак реши да ѝ каже што мисли за војната. Според видеото, на крајот сепак некој ѝ затропал на врата. 

Изволте 385.000 стари песни

За подобро да ги разберете минатите времиња, не е лошо да ја слушнете музиката од тие времиња. Во „поново“време, плочите вртеа на 45 (синглови) и 33 (албуми) вртежи во минута. Претходно беа на 78, брзина која доминираше со винилниот свет од 1900 до 1950 година. Седнале добри луѓе и дигитализирале 385.000 песни од тоа време. 

Маск го подзапука Закерберг

Такер Карлсон го потсети Илон Маск дека Марк Закерберг од Мета/Фејсбук себе си се смета за олд скул либерал кој е против цензурирање. На ваквиот опис Маск имаше да додаде една стара народна: Не го гледај што зборува, гледај го што прави. 

Што носат машките години и зрелоста

Дечкото сочувал видео со него од пред пет години, кога се направил крш па бута некаков џанк фуд после пијанка и не знае гзот кај му е. Но, дечкото сака да ви покаже и ново видео од него, од пред некој ден. Сè се може, само треба да си упорен.

Јакуза дромец

По облекување, држење и муабети, сите се тие исти, од нашиве шабани, преку оние од белградските сплавови па до џенем во Јапонија. Вајс го претставуваат Коико како олдскул јакуза кој е познат по краткиот фитил, иако зналци тврдат дека нема шанси јакуза вака да се чатали пред камери.

Бејвоч реално

По свое нахоџење, можете да имате различни асоцијации на оваа ситуација. Фан на актуелната власт може ова да го гледа како операција на опозицијата да ја спаси Македонија. Фан на опозицијата пак, може да гледа копрцање на власта да се прикаже како државотворен спасител. Едно наравоучение е несомнено - научете сами да пливате, пошто сте го јаделе.

Како се чува француската демократија

Бидејќи лесно може човек да се помеша да појасниме, овие со шлемовите, штитовите и пендраците не се тие што ја чуваат француската демократија, туку тоа се оние со дуксерите и ранците.

Ќе викне ли некој „Експертот е гол“?

Све мој до моега експерти за зелени енергии доаѓаат на панел на конгресно сослушување и притоа биваат соочени со банално прашање: „Колкав процент од нашата атмосфера е составен од јаглерод диоксид?“ Зналците лицитираат со пет проценти, седум, осум проценти.... Не се ни приближно блиску. Уделот на CO2 не е ни еден процент, ни половина процент, туку  0.04%.

Назад, назад, трансџендер моме

„Зошто мислите дека транс-жените не треба легално да се третираат како жени?“ „Затоа што сум молекуларен генетичар “ одговараа таа и потсетува дека да се биде машко или женско е резултат на развоен процес кој не можете да го вратите назад. Леле бе ова научнициве, стварно ли мислат дека знаат повеќе за луѓето од идеолозите на новото време?

Вештачката интелигенција го создаде Џо Роган

Многу фасцинантен и истовремено збунувачки е овој некст левел шит со артифициелната интелигенција. Чујте еден комплетно фикционален подкаст со Џо Роган (кој не е Џо Роган) и извршниот директор на OpenAI, Сем Алтман (кој не е Сем Алтман). Комплетниот дијалог е дело на вештачката интелигенција.

Џо Бајден во земјата на чудата

Американскиот претседател Џо Бајден ко да не го позна малото кафеаво човече па брзо го батали за да се поздрави со бел стар човек во униформа кој од некаде му се виде познат. Малото кафеаво човече е Риши Сунак, премиер на Велика Британија. Пазете ја таа негова збунка фаца откако беше тргнат на страна.

Маск нагази новинар на BBC

Новинар на BBC мислеше дека ќе пројде лесно нафрлувајќи му ја на Илон Маск стандардната фраза дека откако тој го преземал Твитер, на платформата се зголемил говорот на омраза. Не, не пројде ич лесно. После неколкуминутно измачување да каже барем еден пример, новинарот конечно успеа да ја смени темата на ковид. И тука статива.

Варуфакис држи лекции по здрав разум

Таа била загрижена за Кина зашто истурале пари во Африка за таму да им градат пристаништа. - Пристаништа? Што има лошо во тоа? прашува Варуфакис. - Да, добро, слично и ние правиме, почнува да ретерира соговорничката. - Не, не, тие тоа го прават многу почовечно од Америка. 

И Арапот знае за заебанција

Има разни друштва кои се пренкаат по интернет (австралиското друшто на Шами милиoни направија од тоа), но Арапиве ни се коњак. Глупи заебанции ама тие урнебесно се забавуваат. Имаат еден џин и едно џуџе. Џуџето се плаши од животни, џинот се плаши некој да не му земе јадење, ама ај, да не влегуваме во детали.

Како зборување со политичари е вежба по залудност

Џон Стујарт достигнува сосема нови нивоа на пристојност обидувајќи се да не се лизне на провокациите на соговорничката и разговорот да почне да го тера на нејзино ниво, како би се завршил со нејзина увреденост дека ете со Стујарт не може смирено да се разговара. Тој има две прашања наједноставни за одговарање, под услов да не си кабает.

Момчето со форхендите

Форхендот важи за посилен и посигурен тениски удар отколку бехендот (фанови на Федерер да не рипаат одма). Момчево има 12 години и два форхенда затоа што e aмбидекстерен, состојба кај лица кои подеднакво ја развиваат и левата и десната хемисфера на мозокот па затоа подеднакво добро се служат со двете раце. Кај и да му ја пуштиш, нему му доаѓа на форхенд.

Како се ребрендира пијачка за да звучи здраво

Не мора ништо да смените во самата пијачка. Само треба да ги смените пораките за таа да звучи поздраво. Дека е 100% природна и растителна (оти па другите се нериродни и меснати), дека е 100% органска (оти претходно била неорганска), дека е безглутенска, дека има ниско ниво на натриум.... И одеднаш, старата добра Кока-кола станува шемаџиска за сите трагачи по здравиот живот.

Едно незгодно

Група Американци, меѓу кои и црнци, за викендот за католички Велигден решаваат да скокнат малку до Европа, конкретно Италија и Шпанија, и да видат како таму се слави воскресението на Исус. Кога таму некоја позната кореографија.

Уште „мајмуне“ не му рече

Макрон беше во посета на Кина од збир на причини кои главно се сведуваат на зорт. Пристигна со стандардниот пакет финти за опуштеност на западните лидери, од кои дебело страдаат западните општества. Па на пример на официјалното фотографирање со Ши, застана со раката во џеб, за што инстантно беше опоменат од дежурниот фотограф.

Оланд си призна како попче

Руските пранкери Вован и Лексус (истите оние кои го шупчеа Заев и на крај не му дигнале телефон пошто им досаѓал) го навлекоа францускиот екс-претседател да го признае она што го призна и Ангела Меркел. Мислејќи дека зборува со Порошенко, Франсоа Оланд потврди дека договорите од Минск за Запад му послужија само како купување време додека ја спремат Украина за војна.

Тајната на песните на U2

Прцање со стереотипноста на музиката и особено текстовите на бендот од Даблин кој некогаш донесе свежина но потоа стана некако преголем а Боно почна пресериозно да ја сфаќа својата улога во животот на оваа планета (мада, оној последниот албум со катаљарда преработени нивни песни добро ни легна). Дечкото го сконтал „рецептот“ на песните, плус фацата му е ултра-меланхолична.

Не треба фала

Имате ли глупа навика на пијано да пишувате на бившата/бившите? И утредента сабајлето да ве изеде жив срам од себе и да ви дојде да пропаднете во земја кога ќе видите што све сте пишале и колку сте биле бљак? Постои само една грешка која сте ја направиле а можете да ја поправите следниот пат и ништо од тоа каење да нема: не сте биле доволно пијани.

Ја расплака, бе!

Дечкото ѝ ги објаснува тајните на циклопејските градби, финесите на антедилувијалните цивилизации, мегалитните структури на Ѓобекли тепе во Анадолија.... Сè тоа фино. Само што таа е професионалка на Твич и од друго ги вади парите. Кутрата, мина низ ролеркостер од емоции. Боља врска немате видено.

Не е проблем што си сиромашен, туку што и за тоа не те бива

„Да се биде комплетно бескорисен е луксуз кој можат да си го приуштат само богатите, а ти не си богат, сиромашен си,“ ќе каже неименуваниот интернет мотивациски говорник.