Ни го нафрлија ова топче на Твитер па ние го одбиваме до вас.

Прастаро е ова видео ама го репостираме заради правилен развој на новите генерации кои треба да видат дека фудбалот не мора да биде само тажен како кога игра македонската репрезентација туку и ултрасмешен, кога го играат Јапонци со монтирани двогледи на глава. Монтирани обратно, кога работите изгледаат пинцурски.

Чекајќи лек за рак или нова теорија која релативитетот на Ајнштајн ќе го фрли на буништето на историјата, човечката генијалност успева да се се снајде и во мали форми, во вид на апликации за телефон. Оваа е бесплатна и ќе реши еден ваш личен проблем на начин на кој и намачената планета и вашето репресирано тело ќе ви бидат благодарни.

Апдејтот на изгледот и правилата за приватност на Фејсбук е моментот во годината кога сите се едногласни - епа нема цел живот они да прават како што сакаат, готово го гасам Фејсбук. Нормално никој не го брише профилот. Еве како би изгледал апдејтот кога Фејсбук би бил вашиот дом.

Како да знаеш дека совршено си одговараш со некого за до крајот на животот? Никако, за тоа ќе чекаш до крајот. Ама до тогаш, ваков момент секако е добар предзнак. Срцки.

Ракувањето е прастар облик на невербална комуникација меѓу луѓето. Нема поглупо кога ќе ти се случи утка и нема посмешно од тоа кога ги гледаш туѓите проблеми во комуникацијата.

Ок де, не ние, ние одамна не се мериме со никого, туку да речеме, ова да беше американски сајт па ние сега дигаме паника, додека нашите деца чмаат на телефони, глеј овие другиве што прават.

Џон Стјуарт ги фаќа CNN како лажираат драматично поврзување на две нивни репортерки на терен со помош на сателитска опрема, а двете се наоѓаат на ист паркинг. Ги измези, душа им извади.

Веројатно сте налетале на вест дека некој веб сајт бил срушен со DDoS (distributed denial of service), но повеќето корисници не знаат (или не ги занима) како всушност изгледа таа ноќна мора на секој систем администратор.

Скроз е добро што оваа земја е антифашистичка. И што во последниот светски пичвајз не бевме од страната на лошото. Но, кога ќе видиш како доброто се справува со лошото, не си сигурен дека секое добро е баш добро.

Вевчанци, Струмичани, кандидати за избори, сите оние кои се сметаат за мајстори во маскирањето - очекувањата штотуку ни се зголемија.

"Две млади риби пливаат и по некое време среќаваат постара риба која им вели 'Добро утро момци, како е водата?' Двете риби продолжуваат да пливаат и по некое време едната се врти и ја прашува другата 'Што е тоа вода?'"

Пред да ви го расипеме тестот, проверете колку е добар вашиот вид и дали сте за диоптер или не.

Време е да ја демантираме приказната дека од пијан човек нема никакво фајде. И тоа како има фајде, особено ако на исто место се најде будала која, само затоа што е вооружан, мисли дека за него на важат мудрите пословици.

Стара финта употребена во најдобра намера. Рекламен билборд за кампања против злоупотреба на деца. Изгледот и пораката на билбордот зависи од која височина го гледате. Вистинската порака треба да стигне до деца до 10 годишна возраст.

Сервисот за бесплатни пораки и бесплатни разговори и бесплатно праќање слики, во најновата верзија стана достапен и на компјутер. За почеток го има на Виндоус и Мекинтош.

Татко во најава решава да ја раскаже целата бременост на сопругата низ гиф-ови, малку за да и ја олесни маката на нејзе, малку за он да може да промрчи без да му се лутат по дома. Почнува со работа по 3-ти месец бременост.

Веројатно сте налетале на оваа серија фасцинантни фотографии на велосипедист пред огромната Месечина. Потребни биле само пар месеци планирање.

Кога последен пат сте направиле добро дело? Не мора да е спасување на светот, за нешто мало збориме. На пример, да ја прекинете дневната рутина сосема на кратко, за некој друг, некој тотално небитен во вашиот живот. Руски камери во автомобили, какви што до сега не сме ги виделе.

Клучното тука е што ова се факти кои постојат, се шират и собрани се на интернет. Не е нешто на што би требало да се кладите.

Млад кромид, црн патлиџан, перца од млад лук, зелена салата, црвена зелка. Иако инстинктивно веќе мислите во колкав тањир да ја направите салатата и дали одозгора да ставите сирење, ова е понинакво.

На хартија, во некој спектакуларно досаден владин или невладин извештај, ова би се водело како покриено и обезбедено живеалиште, со санитарен чвор, струја и греење. Во реалноста, ова се кафези. Не се воопшто ретки и не се никава новост.

За талентирани луѓе со опуштен и ведар дух, играњето со контекстите и сквернавењето на "големите вистини" знае да биде бескрајно забавно, и како процес и како резултат. Овде имаме еден врвен пример за тоа.