Аплаузите одат за совршениот модел, 5 годишната Атина и нејзиниот татко Бил Гекас кои со многу суптилност и смисла за детали успеваат низ фографија да пренесат нешто што го имаа старите мајстори како Рембрант.

Луи Ц.К. пред некое време заклучи дека статистички мажот е најголемата закана по животот и здравјето на жената (глобално и историски) "ако си машко, пробај да замислиш дека можеш да одиш на состаноци само со пола-мечка пола лав." Ако ви беше нејасно, еве како им изгледаме на жените кога им се сукаме.

Проблемот со имање модерна фризура е што ќе пројде модата, ама срамот допрва доаѓа. И ова било многу полесно пред 40 - 50 години, кога си се сликал за лична карта па за банкет, а не по 5 пати во тек на работно време како денес.

Ако си врвен светски научник на тема физика, хемија или медицина, и ако откриеш нешто спектакуларно во твојата област, тогаш слободно можеш да очекуваш да добиеш Нобелова награда за нешто повеќе од 20 години.

Што прават и како изгледаат денес диџеите за време на големите концерти. За референца што навистина треба да праат, еден диџеј од времето.

Почнува како "дописник" на Дејли шоу, па станува главен дописник (во истиот период со Стивен Карел), за по некое време да добие и сопствено шоу, Колбер Репорт. Сега тој е човекот што ќе го наследи Летерман како водител на Лејт Шоу. Цело ова време тој не отстапува од ликот на Стивен Колбер, кој драматично се разликува од човекот Стивен Колбер. Еве едно интервју од пред некоја година, со овој вториот.

Конкретнава берба е од два канала на ВГТРК ( Всероссийская государственная телевизионная и радиовещательная компания) - Россия-2 и Россия-24. Сè ова се презентерки на вести. Да не си пипнал даљинското.

Една третина од познатите генетски проблеми се одразуваат и врз очите. Знаци на дијабетес, кардиоваскуларни проблеми, оштетувања на нервниот систем се само дел од болестите кои офталмолог може да ги детектира со обичен преглед на очите.

11 и нешто минути драматични моменти над пистата на аеродромот во Бирмингем. Ајде ауто-пилот нека го прави ова да го видиме.

Најдете парче земја, двајца мајстори ѕидари и добивате уникатно симпатичен дом. Клуч на рака за само 6.500 евра. Четири илјади и нешто за целата карабина и остатокот за подови, врати, прозорци. А изгледа бонбона.

Секој можен програмер / инженер, кога овие од продажба ќе го однесат на состанок со клиент. Наспроти него, маркетинг одделот на клиентот и специјалистот за дизјан. Со него, колегата што е проект менаџер и човекот од продажба. Да, сите изгледате и звучите вака.

Се појавуваат 2007-ма и никој не им верува, денес станаа бизнис од 1 милијарда долари годишно (оваа бројка е само за продажбата во САД). Уште никому не му е јасно како да ги регулира и класификува, ама за сега добро одат секаде каде што се забранети акустичните цигари.

Кога би требало да се самооценуваме, отприлика до толку ни е гајле за сиромашните. Не само од оваа страна, туку и ти што го читаш ова.

Не збориме за обично тепачиште, багабонд, некоја споредна улога од неколку удари, туку за квалитетен негативец, што луѓето ќе го зборуваат со страхопочит, плашејќи се гласно да го спомнат неговото име. Еве го упаството во неколку видеа.

Ања почнува со фотографирање на 16 години, во 2002-ра почнува да работи како фоторепортер за АП, а во 2005-та добива Пулицерова награда за своите фотографии. Таа беше убиена минатата недела во Авганистан додека ги покриваше претседателските избори во земјата. Ова се некои од нејзините фотографии.

Фотографија од девојче кое се уште е во шок по бомбардирањето од страна на сириската влада.

Во 2009-та година, фотографот Џими Нелсон си дава задача да документира што е можно повеќе луѓе од изолирани племиња, да ја овековечи нивната убавина, обичаи и култура, пред да ги снема. Минува по две недели во 35 племиња од сите страни на светот.

Толку ни беше омилен лик што на претходниот сајт му имавме посветено цела рубрика. Овојпат само за неговата пасија по повлекувањето од политичката сцена, сликањето. Да собираше во наслов, ќе пишевме: Сликите на Форест Гамп, formerly known as претседал на САД, Џорџ Буш.

Денеска сите го познаваат како Дон Дрејпер, јаката фаца од популарната серија Mad Men. Но, во 90-тите години Џон Хем бил толку очаен да закачи нешто што се пријавувал во оние дејтинг емисии во кои девојките бираат еден од предложените момци да излезат со него. И завршува со корпи.

Сте забележале зошто цртаните ликови на кутиите за детска храна главно гледаат надолу? За да остварат подобар контакт со децата кои минувајќи покрај рафтови главно гледаат нагоре! Маркетинг предатори утврдиле дека со ваков очен контакт, довербата кон еден бренд се зголемува за 16 % а поврзаноста со таа марка за цели 28 проценти.

Нема шанси да направиме сеопфатна ретроспектива на кариерата на Дејвид Летерман кој телевизиски го надживеа својот главен соперник Џеј Лено но деновиве најави дека догодина се повлекува. Бидејќи е тоа импозантна кариера на еден од најбитните чувари на добриот американски дух. Сепак, ни фалеше малку да буричкаме по тие негови парчиња.

Конкретно збориме за делот од извештајот со Ексел табели. Јасно е дека никој од прва не им обрнува внимание и таму се колку да му покажеш на проект лидерот, претпоставениот, шефот, директорот и тој од HR што ти мери продуктивност, дека си се потрудил околу извештајот, ама тоа не значи дека треба да бидат нечовечки грди и неразбирливи.

"Гласот на Ела Фитцџералд беше сатен за шмирглата од глас на Луј Армстронг, но кога ќе се споеа во песна, нивната хемија беше совршена. Не беа многу-многу во хармонија (гласот на Армстронг не беше создаден за хармонија), но достоинствениот свинг на Ела и нејзините задевања со грубото, добродушно р'жење на Сачмо беа во неповторлива симбиозa".