Од дилемите што ги има и во насловот, рекламава речиси инстантно беше забранета на телевизија. На интернет не е забранета, ем може и со повторување да ја гледате.

Кога Џејми Оливер ќе остаре, сака да биде како човеков. Се вика Џенаро Коталдо (послабиот од Two Greedy Italians), цел живот е готвач и цел живот прави фантастична храна. Ова е неговиот водич за тестенини + како совршено се варат.

Ако човек не знае дека овие ги пржат со пиштол на струја, ќе добие многу погрешен впечаток за тоа по која основа се овие гримаси.

Никогаш до сега не сме биле волку возбудени околу реклама за преносен фрижидер. Ама ова е чудесии. И не е дека е до нас, проектот за мини-фрижидер на Кикстартер бара финансирање од 50.000 долари, собра вкупно 13,28 милиони долари, од 62.642 поддржувачи.

Задачата за машината е да отвори страна, и тоа од едноставните (Википедија и сл.), ништо премногу тешко со слики и мултимедија. Конфигурацијата е со процесор од 8 мегахерци, 4 мегабајти работна меморија и 100 мегабајти хард-диск. Од време на време, видеото е забрзано. Резолуција 512х342 пиксела.

Сè почнува кротко, а твое е да издржиш колку можеш подолго против Зорба. Само следи ја музиката. П.С. Зорба никогаш не промашува.

"Единствен начин сега да се чувствувам волку тажно, е ако претходно сум чувствувал нешто многу убаво," Батерс.

Една важна категорија што ја пропуштиле тука: луѓето што ставаат сол пред да го пробаат јадењето и сите останати.

Се работи за спреј што секој предмет го прави неуништлив. Доволно неуништлив на пример за да фрлиш јајце од прв спрат и да не ни пукне.

Земјотрес 6,1 степен ја удира Кина пред еден месец. Подеднакво силен земјотрес удира и во Калифорнија. Кина - стотици загинати, Калифорнија - 100 (генерално) полесно повредени. Видеово објаснува зошто.

Основни работи што секој кој влегол во кујна некако ги пропушта во својот троскок од мачкање џем на леб, во идниот Џејми Оливер. Кон целата работа треба да се пристапи со Карате кид филозофија, и да се фатиш за почетничките работи.

Издание - уличен продавач и лупач на ананас. Ок, не е ракетна физика, ама и не мора да биде. Човеков изгледа многу умешно во тоа што го прави.

Работата со гиф кармата е што ова е најинстантниот вид на карма. Еден од ретките моменти кога космосот ја предвидел вашата пропаст без право на апелација и меѓувремено покајание.

Дел од летното издание од Rich Kids of Instagram, блог кој се занимава со темата од своето име. Не ги брка старите богаташи, туку само нивните деца. Искрено и нив не го брка толку, колку што тие самите се трудат да се истакнат пред народ. Сите фотографии се од нивните Инстаграм профили.

По сегментот на Емми наградите во кој сеќаваат на починатите славни личности, годинава на сцена се појави Били Кристл и одржа говор за својот неодамна починат пријател. Како и речиси секој пред него што деновиве зборуваше за Робин Вилијамс, и Кристл не може да поверува во две работи - како повеќе го нема човекот што толку многу го имало, и колку неверојатно лесно му било на Вилијамс да биде генијално добар актер.

Тие што не беа дел од интернетот од тоа време, треба да знаат дека работите беа многу грди. И дизајнерски, и технички, и во секоја можна смисла. И покрај ова, уживањето во имање интернет (и тоа беден) беше неспоредливо големо во однос на денес.

Твоја или чија и да сакаш слика составена од лего плочки. Главно правило за да добиеш нешто, немој да избираш слика со премногу детали. Ништо нема да излезе.

Знаеш дека имаш висока препознатливост на брендот кога твоето лого комплетно го менува историскиот и општествен контекст кога ќе го додадат на која и да е фотографија.

Како тазе родител предноста е што си попаметен и на располагање имаш милион фори повеќе него копиљаците (да не зборуваме колку си посилен од нив). Ова е една од брилијантните тактики што дечурланава барем до 10 години нема да ја совладаат.

Реалното шоу "Pawn Stars" е една од најгледаните програми на Хистори каналот (ако веќе зборуваме за криза на идентитетот), со стандарден формат од околу 30 минути сосе реклами и што ќе се случи / што се случи, пред / после рекламите. Некој седнал и ги тргнал сите делови што служат само за пополнување време. Без нив секоја емисија има 3 минути материјал.

Корпоративен фрижидер полн со некорпоративни и крајно лични сендвичи и др. оброци. Потврдувајќи ја старата "човек на човека му е колега," еден од колегите (неидентификуван) му го краде сендвичот на другиот. По ова се развива една најдобрите преписки во корпоративната историја (барем за месецов). Нормално, целата забава ја прекинуваат од HR.