Off Topic

Цензурата штотуку почнува, само сега ја викаат слобода

Зад нас е една деценија демонизирање на поранешниот претседател како лудак, монструм, Аца Шиптар и Аца педер, диктатор и шеф на мафијата кој нема мирно да ја предаде власта на изборите. Како сега со тоа да се прекине тукутака, преку ноќ? Не памтам вакво сладострастие во понижувањето на другите. Не памтам ни вакво отсуство на срам од најниските побуди.

Некои луѓе имаат време. И тонер.

Еден обожавател на филмската франшиза „Дина“ испечатил 240 постери со кадри од својот омилен филм и ги поставил по прецизен редослед покрај еден пат. Зошто? За кога некој ќе помине со возило покрај овој дел со одредена брзина, статичните слики покрај патот да му се спојат во течна анимација и „да му направат филм“. Океј.

Водич за пиење од Леми Килмистер

Уште во 2005 година, пејачот и фронтмен на Моторхед, Леми Килмистер, во интервју даде неколку тешко стекнати совети за пиење алкохол. Тој отсекогаш важеше за исклучително веродостоен извор по ова прашање. Има тука неколку интересени цаки.

Новиот српски парламент има пратеник со боенка

Во новиот состав на парламентот на Србија има осум глумци, пола од кај студентите, пола од кај Вучиќ. Еден од кај студентите е и актерот Бојан Димитријевиќ, познат како наркоманот Пикац од серијата „Вратиће се роде“. На првиот ден на новата работа земал боенка, за кога ќе му биде досадно. Симпатично, ако човек заборави дека се колнеа како 24/7 неуморно ќе се борат со криминалниот октопод на претходната власт.

„Подобрата Србија“ демонстрира простаклук

Група победнички бадијалџии се собраа пред зградата на српскиот парламентг каде се одржува конститутивна седница на новиот парламентарен состав. За да им аплаудираат на своите и да викаат „уаа“ на другите (јаки потези, јаки герили). Најглупата меѓу нив ја потури со јогурт по глава актерката Лидија Вукиќевиќ која има мандат од СНС.

ВИ музиката ги доби своите Греми

Во Лос Анџелес биле одржани првите AI Music Awards за музика креирана со вештачка интелигенција. Распоредени во 25 музички жанра и три категории: скроз ВИ, делумно ВИ и хибридни песни во кои вокалот е на клониран човечки глас. Влез за настанот бил 250 долари. Ги имаме победниците. Некако ни немаат душа :)

170 години на Балканот ништо ново

Зима 1841-ва, властите на "варош Белград" објавуваат наредба со која се забранува пукање за време на Божиќ. Прво, сликата ја објавува Архивот на Белград; второ, преубав службен јазик ("да ќе казни подлеќи"); трето, никогаш нема да се научиме на ред.

И така растат деца

Покрај еден паб во Санкт Петербург руската фотографка Ирина Попова забележува млада жена како моча на улица, покрај нејзиното детенце кое седи во количка. Подоцна се запознава со мајката. Се вика Лилја, живее со дечко кој се вика Паша и заедно ја чуваат малата Анфиса. Лилја и Паша се алкоси, хероиномани и оттука, прилично лабави педагози. Ирина минува неколку недели заедно со нив и од тоа произлегуваат овие фотографии.

Еди Рама кај Зоран Кесиќ

Во новогодишната 24 минути (по формат нешто како Дејли шоу), требаше да гостува Алексендар Вучиќ. Наместо него во емисија се појави албанскиот премиер, а подоцна и неговиот брат.

Убавината на Ф1

Директните преноси не можат да и го посветат вниманието кое го заслужува која било Формула 1 трка. Вака монтирано и од дистанца изгледа како да го пропушташ најинтересниот спорт на светот. Сето ова е од 2014-та.

Ѕвездите на Ватикан

Сестра Кристина е победничка на "Гласот на Италија" 2014-та. Да види нешто вакво кај нас, владиката Петар има да издејствува синодска забрана за пеење, ќе фрли анатема на микрофоните и после ќе ја тужи Кристина до Судниот ден.

Кога јас би го правел Вонземјанин

Без дозвола, никаков договор или преддоговор со студио, барем муабет со Ридли Скот или воопшто некој да му побара, Нил Бломкамп црта неколку концепти за тоа како тој го замислува следното продолжение на Вонземјанин. Инаку, Бломкамп е режисерот на одличната фантастика Реон 9. Сликите ги објави на Инстаграм.

Избришани сцени од Борат

Саша Барон Коен и неговиот Борат се луѓето кои на екраните совршено споија два принципа: гандиевство (користење на својата немоќ) и аикидо (користење на силата на противникот). Неколку сцени кои не влегле во финалната верзија на филмот, а исто феноменални.

Штом зине - лаже

Заебот се вика "ефектот на Мек Гурк" а човекот кој го проучува 25 години признава дека неговиот мозок се уште паѓа на истата финта. Наравоучение кога слушате политичари: не ги гледајте во уста.

Хартијата трпи сè

Митот гласи дека не можете лист хартија да превиткате повеќе од 4 (7,11) пати. А можете, ако не сте ограничени со големината на листот и енергијата која ја имате за да виткате. Проблемот е што ако ја превиткате хартијата 103 пати, ќе добиете хартија подебела од она што ние го познаваме како видлива вселена или метагалаксија (93 милијарди светлосни години).

Ако е песната добра, и ла-ла-ла врши работа

Дали сте автор или само потпевнувате некоја песна, ла-ла-ла е универзална замена во моментите кога текстот ќе се умори. Колку и да е тоа будалесто решение, има песни кои се памтат токму поради тоа ла-ла-ла.

Најмрачните стравови

Френ Краус е автор на стрипот / сликите Deep Dark Fears. Бизнис планот на човекот му е следен: ти му пишуваш кој е твојот најголем и најмрачен страв (без разлика колку нелогичен, бесмислен и срамен), а тој тоа го претвора во стрип. Тоа изгледа вака.

Има ко бадем да те истресам?

Официјалната постапка за собирање бадеми со пропратна механизација. Името на машината е - тресачот.

Марвел Универзум хронолошки подреден

Како би изгледало кога сториите од филмовите и серијата се соберат во една хронолошки спастрена лекција по историја, која ќе ја раскаже досегашната приказна во светот на Марвел.

Мантра за 2015-та година

Повторувајте ја во себе или пејте ја гласно, во секоја можна прилика: кога читате медиуми, кога седите во кафана, кога размислувате политички или дејствувате сосема приватно.

Мини Гранд Хотел Будимпешта

Ќе беше стварно предобра приказна ако сценографијата за сите оние кадри од филмот навистина постоеше некаде во светот. Тоа што се работи за минијатурни макети воопшто не го намалува доживувањето и целиот свет Вес Андерсон што го смисли.

Во името на отецот, синот и Бијонсе

Снимка од концертот на Бијонсе во Нешвил и моментот кога еден фан ќе успее да го допре Светиот дух.

Вести 2014

"Види ги сите овие луѓе кои ја изгубија својата работа." Блупери од годинешната работата во живо на телевизиските вести.

На работ на науката

Отидете до кујна и земете го најостриот нож што го имате. Можете да му ја видите острицата? Не можете. А не дека сте тапа.

Ваахабистите и проширувањето на деловниот простор

Исламот генерално ја забранува содомијата но бидејќи џидахот е поважен, истата се дозволува за да се прошири аналниот отвор како во него би собрало експлозив (?!?). Да, да, и нас не ни се верува. И пазете, не е ова некојси сиријски пичковац, клерикот кој ги пренесува овие упатства живее во Лондон. Во секој случај, со среќа вежбањето.

Давид против Голијат, домино стратегија

Како да го направиш првиот чекор кога знаеш дека си премал и преслаб а гледаш дека конечната цел е огромна и ти изгледа недостижна? Добро, никој овде не учел физика?

Предновогодишен обид за неплачење

- Немој да плачеш, немој да плачеш, немој да плачеш...
(Ама она плаче бе)
- Немој да плачеш, немој да плачеш, немој да плачеш, немој да плачеш...
(Ама има и мало лабрадорче во видеото)
- Немој да... Батали.

Најдобри Андроид апликации објавени во 2014-та

Наше е да ви кажеме да додржите и да не ја инсталирате секоја можна апликација што ќе ја видите на листава (или на проширената верзија). Ваше е да не' послушате барем 50%.

Вести од убави места

Централните вести на телевизија од Австралија пред Божиќ имаа да им пренесат важни вести на жителите на Дарвин, и брзопотезно да им скратат многу непотребни препирања на родителите со децата.