Да не спомнуваме имиња, ама се знаете. Прво и најважно, како во ретко која професија тука треба само да имаш желба (ок, и пари). Не ти треба ни да знаеш да пееш, ни да знаеш да свириш, ниту да знаеш да напишеш песна. Само гледај научи го текстот за да бидеш уверлив/а.

Еден прилично едноставен дечко од Сан Франциско. Има две работи кои ги прави. Вози точак и прави пици. Видеото е за него и за она што овде многу недостасува - страст.

Затоа што егзистенцијалните дилеми и маката со разбирањето на универзумот, не се ништо во споредба со проблемите да се биде кус и детектив во исто време.

Во некој оддел за опскурни спортиски статиски запишана е ставката - најмногу последователни извикувања на име на фудбалер за време на Лига на Шампиони. Рекордот е 9 пати, рекордери се навивачите на Наполи, името е Гонзало Игуаин, а целата журка ја прави Децибел Белини, официјалниот најавувач на Наполи. Кога сме веќе во Наполи, да видите Пандев како го испочитуваа.

Чикава има продавница за стрипови. Ниту ја сака продавницата, ниту сака стрипови, а па најмалку муштериите. "Абе на времето фармерите знаеа што прават. Ги ставаа во стриповите во полското вц, за да се бришат. Пошто стриповите толку и вредат."

Дечкото зема тројца комплетни дунстери од публика и за кратко време, наспроти првичните сомнежи дека од нив нешто може да испадне, тие ја сфатија шемата.

Како и Дино Мерлин и малиов не е Супермен. Девојчето што му се свиѓа, се јавило на друго дете. Како и секое машко, и нашиов маж достоинствено ја пребродува маката - плачејќи и барајќи одма да и се јави на телефон!

Офцијалниот наслов му е - Се' што е погрешно со Фајт Клуб. Официјалната намера му е ова од нашиот наслов.

Има нешто магично околу зборот "penguin" што човекот кој глумеше се од Шерлок и Џилијан Асанж, до Кан и Смауг, не може никако да го совлада и да го каже како што треба. Стварно не може.

Блогот (и ултра популарниот Инстаграм профил) го започнува трговец со обврзници кој е отпуштен од работа. Прво планот му е да направи колекција на профили на луѓе од Њујорк, ама потоа сфаќа дека нивните приказни се поинтересни за публиката отколку самата слика. Ова се 12-те најзборувани фотки од Луѓето од Њујорк.

Од преполно биро со најразлични предмети што ни требаат за работа, со помош на технологијата сега сме на лаптоп и биро преполно со предмети што само мислиме дека ќе ги користиме за работа (без разлика на тоа што ќе го видите во видеото).

Од КЛМ не разбираат дека се што ќе постигнат со рекламава е за прв пат во живот да ви дојде желба да заборавите нешто во авион.

Уметноста помага да му ѕирнеме на човека во душата. Магнетната резонанца е за остатокот од него..

Песната од Митлоуф што ја знаете, од дечурлана што воопшто не ги знаете. Ама имаат мерак, и имаат талент, и одлични се.

Он-лајн алатка за средување (или реновирање) на дом. Седнуваш и почнуваш да црташ стан (куќа), па какви соби сакаш да имаш, па што мебел и елементи да има во собите, па материјали и бои, и на крај сето ова можеш виртуелно да го прошеташ во 3Д.

И го мразиш и ти треба, и ти чита и памти се што пишуваш, ама и ти врши работа ако дојде време да се организираш. Истите овие дилеми ги има Полјакот Павел Куцзински, ама он ги црта, наместо да ги дебатира.

Лекција од Бадвајзер за правење реклами против пиење и возење пијан. За почеток земи лабрадор. Потоа сите ќе те догледаат до крај, без разлика колку е тажно.

А кој да ви помогне во правење нешто бескорисно ако не интернетот. Сајтови кои немаат причина за постоење, а пак се тука. Сешто ќе се изнагледате.

Не знае човек што во ова видео е пофасцинантно; дали приказната, дали трикот со картите, дали што сето тоа заедно го изведува никој друг туку легендата Вили Нелсон.

Мајкл Винслоу ("Полициска академија", ви текнува?) важи за човек кој во своето грло поседува 10.000 звучни ефекти. Да покаже дел од нив, во "Whole Lotta Love" од Цепелин.

Документарен трејлер за една ромска фавела во Софија и европејскиот живот на нејзините жители. Наратор е актерот Итан Хок.

Како би изгледало кога Епл всушност би послушал што бараат од нив купувачите. На пример, апгрејд на Епл Мапс во Гугл Мапс, или полнење преку старите кабли од Ајфон. И еве што друго: