По нивно, ова се вика "испитување на површинскиот отпор на водата во услови на микрогравитација". По наше, како во насловот.

Секој проблем човек може да го реши со разговор и разбирање, само и само ако не се работи за паркинг место. Ако е паркинг во прашање, тогаш треба да се помириш дека нема човечко решение и тоа е.

Radio Dept. се еден инди бенд од Шведска, ова им е последниот сингл. Како стигнал овој слоган до нив не знаеме, ама па што, само фашизмот ли ќе се шири? Нека се шири и антифашизам. Тој секогаш звучел посекси.

Кабади е традиционално индиско одмерување на силите. Тепачка која и не е баш тепачка. Би требало да се дефинира како шамарање, ама повеќе е некако шлапање. Со закуцување. Џабе објаснуваме. Петли да го гледаат ова, ќе се искинат од смеење.

Ариан Аслани, од Квинс, Њујорк. Попознат како Екшн Бронсон и како таков сериозно популарен; рапови, миксови.... А на каналот Munchies има емисија, нешто како Бордејн. Шета по светот (се гледа во видеото) и јаде (се гледа по него). Интересен.

За жал во снимањето беше повредено едно Ферари, поточно 458 Италија, 4,5 литарски мотор, 570 коњски сили, над 230 илјади долари. Поента - да се докаже дека бандажите (на Forgiato) не може да се скршат.

Тунелбана (службеното име на метрото во Стокхолм) ја има една од најуникатните архитектури и во основа изгледа како најдолгата уметничка галерија на светот. Системот има 100 станици од кои 47 се под земја. Александар Драгунов прави фото сесија во која собира 33 од 47-те подземни станици. Ова се некои од нив.

Начинот на кој тогаш растеа деца денес би можел да биде осуден за геноцидни намери од некој Педагошки трибунал во Хаг. Родителите и нивните деца ги прекршија сите можни канони за безбедност кои денеска ги знаеме благодарејќи на науката и кампањите на Владата, па сепак, некако преживеаја.

Додека музичката и касетна комисија на општина Карпош грозничаво заседава околу финалната плеј листа за прославата на најлудата ноќ, комшии ни дојавуваат дека од нивните бараки трешти следнава 13-то минутна рапсодија:

Во НБА влегува во 1992-ра, како прв пик на драфтот на Орландо Меџик. Од тогаш само расте (додуша повеќе физички и како шоу-мен, отколку по бројот на прстени) за да се пензионира како еден од најголемите играчи во историјата на НБА. Ова се некое негови, одбрани моменти.

Во видеото нема секс, нема насилство, нема погани зборови. Па сепак...

Маме32 е емулаторот кој со години дозволува на компјутер да симнувате и играте (речиси) која било игра од флипери. Сега Интернет архивата ги одбра најдборите игри од флипери што може да се играат на Маме32 и им направи посебна категорија во која засекогаш ќе бидат зачувани. Плус сите игри може да се играат во браусер.

Буричкајќи по ДНК, луѓево создаваат растенија што светат ноќе. Благородна мисија која би заштедила енергија и на убаво би ни го сменила ноќниот пејсаж. Сè додека не решат техниката да ја применат и кај луѓе. Ноќе, некаде кај МТВ, ви текнува?

По 10-годишно патување низ вселената, во ноември треба да кулминира Розета мисијата со приземјување на леталото Philae на комета, со цел изучување на тајните на универзумот. Пред да слета, леталото испрати неколку фотографии од кометата. За перспектива на површината, на секоја од фотoграфиите има еден Боинг 747 (долг 70 метри, распон на крилја 64 метри).

Му се случува гаф кога се снима со пиштол и се прави најјак. Ама потоа (одново и одново) пробува да го поправи имиџот. Не нè прашувајте дали он тоа озбилно. Појма немаме. Би сакале да веруваме дека е заебанција, ама, не сме сигурни.

Не дека е некоја вонредно потресна симфонија и не дека вам нешто би ви горело од музикава. Пожарот е кај оркестарот што пробува да ја отсвири "Tango Jalousie" после изедено пеколно љута чили пиперка. Минута и четириесет се на чисто, после тоа (грлом у јагоде) ја лапаат пиперката.

Ау, ама ова добро функционира! Музички видео спот во кој оживуваат омотите на старите плочи. Пробајте тоа да го направите со песните кои ви се на клауд. Музиката е на Рој Кафри а ова интересното на Ванја Хеиман, 1986-та, Израел.

Зјапање по комшиски прозори е простачка работа, освен кога се работи за Париз, кога сето тоа добива чудно привлечен шмек. Плус, никој бре со бор машина нема!

Видеото со девојката доби одговор во машка верзија, во кое Фани ор Дај "експериментираат за да видат што се случува ако маж белец прошета на улиците на Њујорк."

Речиси сите десет му се од времето пред скандалите, и во сите десет изгледа страшно незапирливо. Сето ова многу боли.

Па има ли нешто посимпатично од тоа кога родители посакуваат да се пошегуваат со сопственото дете? Да речеме, дека има ебола.

Триесет години е надвор по улици и нема ништо друга освен една своја авторска песна која сака да ја сподели со вас. Ех, а кога Жељко Самарџиќ ви викаше "Не суди по амбалажи", го правевте сељак дека е.

Слушнете како звучи хитот на Мајкл Џексон кога би бил отпеан во стилот на Том Веитс, Стиви, Вондер, Рик Естли у ште 17 други музичари. Македонскиот предизвик би бил многу поинтересен.