Off Topic

Некои луѓе имаат време. И тонер.

Еден обожавател на филмската франшиза „Дина“ испечатил 240 постери со кадри од својот омилен филм и ги поставил по прецизен редослед покрај еден пат. Зошто? За кога некој ќе помине со возило покрај овој дел со одредена брзина, статичните слики покрај патот да му се спојат во течна анимација и „да му направат филм“. Океј.

Водич за пиење од Леми Килмистер

Уште во 2005 година, пејачот и фронтмен на Моторхед, Леми Килмистер, во интервју даде неколку тешко стекнати совети за пиење алкохол. Тој отсекогаш важеше за исклучително веродостоен извор по ова прашање. Има тука неколку интересени цаки.

Новиот српски парламент има пратеник со боенка

Во новиот состав на парламентот на Србија има осум глумци, пола од кај студентите, пола од кај Вучиќ. Еден од кај студентите е и актерот Бојан Димитријевиќ, познат како наркоманот Пикац од серијата „Вратиће се роде“. На првиот ден на новата работа земал боенка, за кога ќе му биде досадно. Симпатично, ако човек заборави дека се колнеа како 24/7 неуморно ќе се борат со криминалниот октопод на претходната власт.

„Подобрата Србија“ демонстрира простаклук

Група победнички бадијалџии се собраа пред зградата на српскиот парламентг каде се одржува конститутивна седница на новиот парламентарен состав. За да им аплаудираат на своите и да викаат „уаа“ на другите (јаки потези, јаки герили). Најглупата меѓу нив ја потури со јогурт по глава актерката Лидија Вукиќевиќ која има мандат од СНС.

ВИ музиката ги доби своите Греми

Во Лос Анџелес биле одржани првите AI Music Awards за музика креирана со вештачка интелигенција. Распоредени во 25 музички жанра и три категории: скроз ВИ, делумно ВИ и хибридни песни во кои вокалот е на клониран човечки глас. Влез за настанот бил 250 долари. Ги имаме победниците. Некако ни немаат душа :)

Политичар е за да те фарба

Во 2021 година, локални политичари во изборна кампања решаваат да им покажат на своите гласачи дека тие се луѓе од народот па наместо само ветувања, да демонстрираат дека се подготвени конкретно да им помагаат на луѓе. На пример, да освежат со боја фасада на една скромна куќа, па удираат ваљак, се разбира, пред камери и новинари. Да ја видите куќата пет години подоцна.

U

Како ова да го опишеме а после да не се осеќаме глупо што уопште сме пробале? Вака: се работи за сцена од јапонска ТВ, гол и дебел дечко треба да се лизне стомачки по едно лимче во форма на латинската буква U. Се осеќаме глупо.

Анкета со македонските ракометари

Блиц анкета со ракометарите на македонската репрезентација, направена непосредно по натпреварот со Хрватска. Кој беше крив, кој го тоа направи и слични логични прашања кои се наметнуваат по тотално слабата игра. Олабавете се дечки, пак ќе ни правите радости!

За "пред и потоа" сликите

Фитнес инструкторка вади до сега не забележано успешно упатство за трансформација и слабеење во незамисливо краток рок од 15 минути. Кој не верува има слика да се увери.

Јаболкото предизвикува црно околу очите

Старото добро правило гласи "One apple a day keeps a doctor away". Како и секое правило, и ова има исклучок: кога јаболкото ти го додава девојка ти, а таа е некако махер за голф.

Најтажната кинеска песна на сите времиња

Кило крв даваме за оној кој ќе успее веродостојно да ни преведе за што се работи и за што пее овој напатен кинески блузер.

Оскаровскиот потег на Марлон Брандо

1973 година, 45-то доделување на Оскари. Презентери се Лив Улман и Роџер Мур, обајцата светнати ко гувернер Богов. Главен јунак на ова видео е Марлон Брандо кој добива награда за најдобра машка улога за ролјата во филмот Кум. Марлон Брандо го нема во ова видео.

Па немогуќе!

А ние мислевме дека ги познаваме односите на силите во животинскиот свет. Да не знае веќе човек на кого може да му се курчи. 

Храна и бело

За следниот рецепт ви треба кредитна картичка, бел прашок и банкнота од 500 евра. Со рецептот ви препорачуваме вино од долината на Џек, Џони или Џејмисон.

Немал Бугарот работа, па се љуљал меѓу згради

Две згради, многу јажиња и многу да не ти чуе околу гравитација, сите феил видеа од Јутјуб и генерално болки, сркшеници, набиени дело од тело. И одлично склопено видео.

Исто е ама не е исто

Романски фотограф снимил десет идентични еднособни станови од една иста зграда. Становите ги снимал од ист агол, за да дојдат до изразат останатите социјални, естетски и животни детали на станарите кои живеат на иста вертикала во источен Букурешт.. 

И волкот е душа

Кратка видео приказна за инает на народната мудрост дека волкот влакното го менува, ама ќудта не ја менува. Го наоѓаат во река, исцрпен и премрзнат, со 39 ловечки гелери во тело, едно време и срцето престанува да му чука. Добрина, добрина, добрина и - ене го, од рака им јаде.

Искрено, драга, ме заболе курац

Баш интересна стилска вежба: 29 познати актери (навистина квалитетна ергела), кажуваат две кратки реплики од филмот "Одвеано со виорот".  И повеќето се стварно одлични.
п.с. барем има "драга" во насловот.

Да го фатиш за уши и да го вратиш дома

23 годишен исламист од Авганистан, дојден во Шведска пред 10 години, во автобус му се истура на еден пензионер. Во Шведска не чинело, многу хартија пополнувал кога одел на лекар, талибанците се враќаат, Шведите се педофили, тој можел да јаде луѓе ако треба а и појак е... Немате појма колку е глуп.

Православни битови

Семантрон (на македонски: клепало) е една дрвена даска која се користи во манастирите за повикување на калуѓерите на молитва. Имаме еден романски поп кој клепалото го клепа подобро од ритам машина. Тупца, тупца, амин! 

И ти ли брате Кенеди

Ѕвездата водилка на либералите и никогаш непрежалениот американски претседател за демократите, со свое ни најмалку другарско обраќање на тема дебели деца. Како малку да им се сите маалски што ги смараат, Кенеди почнува со - нема ништо понесреќно од дебело дете.

Масата во Лас Вегас која чини 250.000 долари

За пари во Лас Вегас може да се добијат секакви перверзии. Оваа не е најголемата ама веројатно е најскапа. За 250 илјади долари резервирате маса во Белаџио на која добивате само две работи: едно шише и едно копче.

Фрижидеро

Претходно познат како Планината од Игра на тронови, сега пробува да го сруши рекордот за најбрзо носење два двојни фрижидери (жива мера 450 кг.) на 20 метри.

Боб Дилан версус Звонко Бoгдан

Од една страна рок пророкот Боб Дилан, од друга панонскиот аристократ Звонко Богдан. Два комплетно различни света, две уметнички магистрали кои навидум никаде не се допираат. Па сепак, видете ја вие оваа коинциденција и поклопување на мотивите и интересите.

Саудијката и нејзиното скромно право

Во една од најконзервативните и родово најсегрегирани земји, некои жени во Саудиска Арабија внимателно се обидуваат да ги редефинираат границите на јавниот живот. National Geographic фотографираше некои од овие ретки и загрозени видови.

Дај да пијам, мила мајко....

Некој да ти тврди дека има сеќавања како ја слушал македонската песна "Како што е оваа чаша/ дај да пијам мила мајко" на француски јазик, ќе помислиш дека забегал од дроги. А не да има линк туку има и спот! Тереза Кесовија и Миро Унгар, кујзнае како и зошто.

Последниот блузер од Мисисипи

"Додека сум овде" е еден драгоцен видео проект кој овековечува приказни на луѓе кои ја живеат есента на својот живот а истиот го минале тивко и посветено на своите љубови. Пред нас е Лио "Бад" Велч, роден 1932 година. Свири гитара од 13 години а своето прво ЦД го има издадено на 83 годишна возраст. Капа долу, стари.

Пушти го сонот колку што ти е долго чергичето

Глупоќа е, ама ај. Чергиче со аларм за будење. Не можеш да го снузнеш со палец од нога туку треба фино да го нагазиш за да прекине. А кога ќе го нагазиш, ти кажува мотивациски пароли, дека животот е убав, денот е прекрасен а пријателството ретко. Според приложеното, на типот во рекламата му требаа 6 ипол минути за да се убеди во тоа.