Бидејќи следниот пат кога ќе се видат, Доналд Трамп може да биде претседател на САД, Џими Фалон ја искористи нивната последна средба како цивили за да го допре и размрда тоа чудо.

Ако ја изгледавте втората сезона од Наркос тогаш ви е позната стаменоста и сериозноста на Дон Берна (дебелиот од кај онаа кучка Џуди) и решителноста и посветеноста на агентот Пења. Ок, а сега малку да излеземе од кадар.

"Најреалното Реално" е филм на Кери Браунштајн, направен за модната куќа Кензо. Малку чудна сатира на тема нови социјални медиуми. Нема да нè чуди ако тоа црното девојче, по мрежите веќе добива еден тон понуди за посвојување.

Не е завера дека си слеп како лилјак и треба да носиш, тоа е реалност. Завера е што мислиш дека има десетици разни брендови и фабрики за наочари, кога над 80% од сите очила во светот ги произведува една компанија - Луксотика. Ова во исто време е и најдобро објаснување за тоа како може парче пластика да чини исто колку и добар смартфон.

Не може да се опише чувството кога ќе ве пресретне млад Индиец и ќе ви каже: „ЈАС СУМ МАКЕДОНЕЦ ОД БАНИЦА, КАКО СЕ ВИКАШ ТИ?“ Од толку многу што ви е мило, ќе посакате да ја откриете тајната од каде и како тоа лице знае барем една добра реченица на македонски јазик. Одговорот се сведува на тоа дека Индиецот пораснал со бабата на својот најдобар другар, која за наша среќа и не знаела да зборува ништо повеќе од македонски.

Тони Базил е американска пејачка, музичарка, кореограф, денсер, режисер.... Тоа што во моментов треба да го знаете за неа е дека е родена во септември 1943 и дека денес има 72 години. Сè друго што треба да знаете за неа денес, го имате во следното видео.

Ете го тазе спотот за песната Рубин на Баклава, единствената и затоа драгоцена македонска група која го негува жанрот "народно, а забавно". И овојпат се љубовни и разиграни и преубави. Чујте, почујте. 

Има една мудра мисла, вика, ако размислуваш како чекан, во сè ќе гледаш шајка.

Без разлика како изгледа, производов е крајно унисекс и освен женска публика, ќе им се најде и на добар дел од машка популација.

Пред 6 години Стив Џобс дава изјава на една конференција, која е актуелна како да ја дал на прес по објавата на Ајфон 7, се однесува на тоа како и зошто Епл одлучува да откачи некоја технологија.

Стариот мајстор Рајко Грлиќ изгледа пак направил добар филм, „Уставот на Република Хрватска“ пред една недела победи на фестивалот во Монтреал. Така е кога се знае да се одберат вистински соработници: сценарио Анте Томиќ, музика Дуке Бојаџиев. Најпремиерно на свет ви ја нудиме одјавната, која морничаво добро ја изведува Јосипа Лисац. Ако се плашите од длабочини, не влегувајте во песната.

Иако тесен избор, нас некако нè ќари: „Со маж ми зборувавме за развод, ама ниеден од нас не сака да ги земе децата.“

Снимките се комплација од тестови пред-продукција, зад сцените и неуредувани видеа од снимањето на Патот на бесот. Во ниту една од овие снимки нема ни допир од ЦГИ, сè е само камера и луѓе.

Или како онојпат кога беше на одмор испи 12 џин-тоника за една вечер и не те фати. Сè е до морето бе? Не баш.

Еден ист мотив се цепа низ поп-музиката на денешницава. Нејасно е дали ова е ефект на стадото или пак едни те исти професионални корпоративни автори си го тераат теркот што очигледно функционира добро. Ама, брате, не се трпи.

Дупла и затоа што имаше многу добра музика и затоа што во некогашна Југославија не се препејуваа регионални ноубадис (како денес во Македонија) туку најкурентни имиња од Запад. Не дека во таа држава имаше недостаток од авторска музика туку колку да им правиме лиги на Бугари, Романци и останатиот источен јад кои не можеа да припарат до нормална музика а не па да ја обработуваат. Пуштај, уживај и плачи си во себе.

По изглед и звук, мислиш дека само што ќе се појави Рудолф и ќе направи некоја слаткарска перверзија по рецепт украден од шумски виленици. По содржина, двајца млади, дваесет и нешто, пробуваат и зборуваат за дроги. Не џаначки муабети, туку сериозна образовна дискусија за содржина на дрогите што планирате да ги зимате, што треба да пазите кај дрогата што ја купувате, какво дејство има на тебе, дозирање и слично инфо. Во оваа епизода на ред е екстази.

Преубавите, идилични видеа на технолошко блаженство од Епл никогаш нема да престанат да бидат најдобрата можна платформа за која било пародија на Епл.

Не му требаше многу на Џими Кимел да ја потегне старата добра финта: да натера луѓе да го рецензираат новиот Ајфон додека во рака всушност го држат својот стар телефон. Побрз, потенок, полесен....

Прво, возењето велосипед е водечката (спортска) причина за потреси на мозок кај деца. Второ, кацигите за велосипед не се направени и тестирани за тоа колку добро можат да заштитат од потрес на мозок, туку се направени и тестирани за тоа колку добро можат да заштита од фрактури на черепот (да не ја дупнете главата).

Ова е тоа по што плачат филмаџиите кога зборат "сè е на компјутер правено". Фотографии од снимањето на "Драга, ги смалив децата" од 1989-та, време без компјутерски ефекти, и време со вистински мајстори за сценографија.

И разликата во потрошеното време и разликата во крајниот резултат е како разликата меѓу брз хот-дог (со факинг пилешка виршла) и сарма (со часови нежно инкубирана во шпорет).

Најновиот Ајфон е разочарувачки скромен апгрејд и е грев што се поклопува со вистинскиот бренд Седмица. За да шиткаат поскапи слушалки, го извадиле џекот за слушалки, јака штикла (плус, тоа значи дека не можеш истовремено да слушаш музика и да го полниш). Но, веќе подолго време е јасно дека на ниво на хардвер не треба да се очекуваат битни промени. Затоа и се тепаат големите за содржини.

Ние кога се фаќаме за даб, обично дрва се правиме. Овој се фати за даб (ок, два даба) и направи футрола за Ајпед. Кој за што учел.