Off Topic

Некои луѓе имаат време. И тонер.

Еден обожавател на филмската франшиза „Дина“ испечатил 240 постери со кадри од својот омилен филм и ги поставил по прецизен редослед покрај еден пат. Зошто? За кога некој ќе помине со возило покрај овој дел со одредена брзина, статичните слики покрај патот да му се спојат во течна анимација и „да му направат филм“. Океј.

Водич за пиење од Леми Килмистер

Уште во 2005 година, пејачот и фронтмен на Моторхед, Леми Килмистер, во интервју даде неколку тешко стекнати совети за пиење алкохол. Тој отсекогаш важеше за исклучително веродостоен извор по ова прашање. Има тука неколку интересени цаки.

Новиот српски парламент има пратеник со боенка

Во новиот состав на парламентот на Србија има осум глумци, пола од кај студентите, пола од кај Вучиќ. Еден од кај студентите е и актерот Бојан Димитријевиќ, познат како наркоманот Пикац од серијата „Вратиће се роде“. На првиот ден на новата работа земал боенка, за кога ќе му биде досадно. Симпатично, ако човек заборави дека се колнеа како 24/7 неуморно ќе се борат со криминалниот октопод на претходната власт.

„Подобрата Србија“ демонстрира простаклук

Група победнички бадијалџии се собраа пред зградата на српскиот парламентг каде се одржува конститутивна седница на новиот парламентарен состав. За да им аплаудираат на своите и да викаат „уаа“ на другите (јаки потези, јаки герили). Најглупата меѓу нив ја потури со јогурт по глава актерката Лидија Вукиќевиќ која има мандат од СНС.

ВИ музиката ги доби своите Греми

Во Лос Анџелес биле одржани првите AI Music Awards за музика креирана со вештачка интелигенција. Распоредени во 25 музички жанра и три категории: скроз ВИ, делумно ВИ и хибридни песни во кои вокалот е на клониран човечки глас. Влез за настанот бил 250 долари. Ги имаме победниците. Некако ни немаат душа :)

Политичар е за да те фарба

Во 2021 година, локални политичари во изборна кампања решаваат да им покажат на своите гласачи дека тие се луѓе од народот па наместо само ветувања, да демонстрираат дека се подготвени конкретно да им помагаат на луѓе. На пример, да освежат со боја фасада на една скромна куќа, па удираат ваљак, се разбира, пред камери и новинари. Да ја видите куќата пет години подоцна.

Какво време дојде...

Не е вест знамето на ЕУ да се доживее како провокација па на човекот кој го носи да му се грабне од раце а по него да се вика: Предавник!! Вест е кога тоа не се случува во некоја шумадиска селендра, на митинг на шешељевци, туку насред Лондон, на непартиски митинг на Англичани.

Поуки од канадската двојазичност

Заврши времето кога едни на македонски можеа да пишуваат „Смрт за Шиптари“ а други на албански да чкртаат „Каурски пички“. Во иднина такви графити ќе се пишуваат со спреј во едната, и гугл транслејт во другата рака. Квалитативен напредок, нели?

Како чоколадото стана здрава храна

На почетокот од 1980-те компанијата Марс формира научен институт за истражување на чоколадото. 30 и кусур години подоцна на утрински програми на телевизија ќе слушаш како ти кажуваат „... да, да, токму така, чоколадото има една состојка, флаванол, и таа докажано е добра за здравјето, што значи дека и чоколадото е здраво...“ Не, не значи тоа, и работата е многу покомплицирана.

Најк ги учи Канаѓаните да бидат помалку фини

Темпирано точно со Светско јуниорско првенство во хокеј што се одржа во Канада, Најк 9 дена по ред пушташе нова верзија од рекламата од кампањата „Играј помалку фино“ во која главниот лик станува се помалку и помалку пристоен и фин. Нешто налик Денот на мрморецот да ескалира од ден на ден. Насловот на 9-та реклама е „Не може помалку од ова“.

Да погледаме човек што многу нема работа, а многу има живци

Дисциплина: составување банкнота од 5 фунти искината до ниво на конфети. Оди па раскажувај му на овој како не можеш да ја составиш сложувалката од 500 парчиња.

Како интернетот ги замислува кујните низ светот

Полно стереотипи, ама не изгледаат многу погрешно или пак воопшто. Генерално, важно е да е солено, и да има лук, и да е варено и најверојатно пак нема да го погодиш.

11 фитнес митови што ем не се точни, ем можат да ти наштетат

Ако новогодишните фитнес ветувања ги терате според јулијанскиот календар тогаш крајно време за почеток на нивно остварување треба да е првиот ден по Стара нова година. (Освен ако не решиш дека треба да го истераш уште Св. Јован, евентуално и Трифун и готово. Ептен ако годината ти се падне да имаш и Младенци за терање, па да продолжиш до тогаш.) Пред да ја почнете сезоната во која конечно ќе направите се што сакате од себе (на фитнес план) има неколку работи што треба да ги знаете.

Кина против Запад, и обратно

Родена во Кина, девојкава 10 години патува и работи во САД, Британија и Франција, и по пат сфаќа дека скоро па ништо не е исто „тука“ и „таму“. На толку патување почнува и да црта сè што се разликува.

Стечајот на социјалните мрежи

Човештвото се опаметува, решава да ја врати својата евтино продадена слобода и се ослободува од „магијата“ што социјалните мрежи ја имаат фрлено врз нивниот живот и секојдневие. Без верници, боговите на интернетот полека пропаѓаат и стигнуваат до својот природен крај. Мрежите кои некогаш го изменуваа текот на историјата, се во пост-апокалиптични рушевини, а од нив е останат чат-пат по некој неонски знак кој исто така ситно брои. Никогаш!

Како сè светот го преведе „shithole“ на Трамп

И без многу разбирање англиски јасни ти се двата зборови од кои е составен терминот што американскиот претседател пред некој ден го употребил за Хаити, Ел Салвадор и земјите од Африка. Како и за добар дел пцовки и навреди, и за овој збор нема директен превод, без разлика дали е на македонски или кој било друг јазик.

Мекгрегор - Мејведер, втора рунда, Инстаграм

Како што минува време од борбата, така двајцата се повеќе почнуваат да се сскаат еден со друг, како да не се тепале пред 5 месеци. Сега муабетот на Мекгрегор е дојди во октагон да те видам, муабетот е Мејведер е - те здробив.

За тие со фетиш на чистење бетон

На некој ова му е работа, нам ни е мерак за гледање, веројатно баш и затоа што не ни е работа. Додека не се смени сето ова, да уживаме во мераков.

Сквернавење на Нирвана

Многумина мислат дека ако некоја песна не треба да се чепка, тоа е Smell Like Teen Spirit од Нирвана. Ќе чуете колку е тоа вистинито кога ќе ја слушнете верзијата на еден тексашки бенд кој песната ја прештима во дурови. А во дурови (место петки и сусови) Smells Like мириса на една безначајна, безбојна поп песничка. Чиста бласфемија.

Приказната на владиката за гравот и колбасот

Колку да се потсетиме на онаа човечка, дека за луѓето не треба да судиме туку-така и од прва.

Да ти се мочам на попустот

Шведскиот гигант и порано знаел да направи контроверзни реклами и адвертајзинг потези но е скроз нејасно каква тоа голема нужда ги натерало во нивната прва маркетиншка финта во 2018 да искористат мала нужда.

Прашајте го премиерот

Збоктисан од прашања на новинарите, тајландскиот премиер Прајут Чан - о -ча на средба со медиумите деновиве донесе своја замена и пред да замине од прес конференцијата, на новинарите им порача дека можат да прашаат што им душа сака.

Пет длабочини на една иста песна

Џејкоб Колиер е мулти-инструменталист и еден неверојатно талентиран дечко кој ја расчленува емотивната приказна и внатрешниот дијалог на композицијата „Amazing Grace’“ на пет нивоа на комплексност. Почнува со дете, па со тинејџерка, па со студент на музичка академија, па со професионален пијанист, за на крај да заврши со - Херби Хенкок! И да се испогубите некаде на третата фаза, видеото е магично за следење.

Музиката нема непријатели

Дедото има 84 години, свири труба и песна на неговиот живот е Лили Марлен. Ќе ви раскаже зошто.

Никогаш до сега магдонос не ни направил толку мерак

И веројатно чувството повеќе нема да се повтори.

Како се облекувале жените во 18 век

Да почнат денешните жени вака да се облекуваат од рано наутро, на работа ќе стигнат, евентуално, во трета смена.