Пред Американците да ја запалат половина Азија под лажната паника околу "оружје за масовно уништување", тие беа подеднакво успешни во палење на другата половина на Азија со идентично неточен извештај.

Таа мисли дека мајка му живеела 10 децении, а тој не ни знае што е деценија. Нормално, победа.

Мамбл имаше проблем со својата околина затоа што сите пееја а тој сакаше да игра. За овој индивидуалец во егзистенцијална криза никогаш нема да дознаеме зошто се реши да ги напушти своите и да тргне сам, во сигурна смрт.

За да си доловите колку влијателен беше сега осрамотениот холивудски продуцент од кого сите дигнаа раце (освен Дона Каран). Бил спомнат во вкупно 34 победнички говори на Оскар. Пред него се само Стивен Спилберг и Господ.

Дечкото е хипхопер но решава да му даде шанса на нешто што дотогаш никогаш нема слушано. Се работи за првиот албум на Rage Against the Machine. Да видите какво просветлување му се случи!

Апашов решава да ограби рецепционерка, ама го копка и што има внатре. А внатре, бразилска академија за џиу џицу.

Старава има Алцхајмер. И ќерка ѝ секој ден ѝ кажува дека е трудна. И таа одново и одново се радува. Aјде, што фали?

Васко Атанасоски е исклучително вреден момак. Радник е во душа, што го прави ретка билка во мрзливиот музички пејсаж на Скопје. Свири, прави музики, објавува други бендови и музичари, работи, си игра со сè што ќе стигне. Има нов албум (Пази, куче), 8 ствари, скроз шарено и брливо. 

Немало и ќе нема посмешни ситуации од овие, кога доаѓаат луѓе за да ти помогнат, а ќе завршиш заринкан со фаца во нечиј задник.

Некој зелен во негова близина решил да му ги одмили куклите, сега, секогаш и во вечни времиња.

Како може да му се честита роденден на дедо? Ќе му донесат торта, ќе го бацат и ќе му речат да е жив и здрав. Само што овој дедо се вика Хју Хефнер а тортата (во нејзиниот најпопуларен аутфит), му ја носи Памела Андерсон. Поживеа тој и до 91 година ама комотно можеше и после ова да се одјави.

Мала збирка од политички јасновидци кои јавно и гордо го ковертираа својот суд за државничката иднина на Доналд Трамп. Од утки на наши политички, медиумски и аналитичарски жреци би можело серија да се склопи.

Краток заклучок од 10-минутното видео: децата знаат да познаат добра музика. Додека не влезат во лут пубертет по што нагло оглупуваат.

Компилација од блиц поенти на Том Веитс на разни ток шоуа, главно како 'млад и надежен', кога од него се очекувало да каже нешто „луцидно“ (па од што му е незгодно, се препичува ко секој копиљ). Откако ни остави тон добра музика, денес не мора да каже ништо. Тоа е победата.

Девојката запознава дечко за кој наивно ќе поверува дека е идеалниот партнер за неа. Но, набргу открива нешто страшно за него. Дечкото не е манијак или психопат. Ова е уште пострашно.

Лекција од Фројд која секој би требало да ја научи. А не е тешка, една реченица е.

Многу помпа се крена околу тој филм па јасно е зошто емоциите се толку засилени.

Кога веќе секоја уметничка изложба / инсталација станува поле за Инстаграм натпревар меѓу селфињата, зошто тогаш да не почнеш да прави уметност спремна за Инстаграм перфектна фотка.

Истиот мелем глас кој го познавате, овојпат на еден драматичен текст на кој не може да се остане рамнодушен. Една зипувана македонска судбина, емоција до коска, да осетите како векови ви бучат низ дамарите. После сè, сфаќаме зошто Крсте го чувствуваме како многу наш. Затоа што е многу свој.

Како реагираше Барак Обама после природна катастрофа а како тоа го прави Доналд Трамп.

Европската комисија соопшти дека реакцијата на шпанската полиција во Каталонија била соодветна и дека „употреба на пропорционална сила била неопходна за да оддржи владеењето на првото“. Па да видиме на видео снимка како тоа изгледа, можеби некогаш ќе ни треба да се потсетиме на ЕУ стандардите. 

Во време на Секс Пистолс немаше човек кој ќе помисли дека ќе дојдат толку луди времиња што Џони ќе звучи како глас на разумот. На пример дека човек треба да има гард кон политичарите, кои и да се. Нам ни е, пак, малку криво што го немавме овој клип лани- преклани, па да го објавиме, па да ги читаме шугите како конечно нашле доказ дека ние (и Џони) одработуваме за вмрото. Маските паднаа, јелда папани?

Има 90 години, живее во чешкото село Лоука и шара по фасади на куќи низ селото. Тема не и се безмозочно лошите копии на Лејла и мандарините, туку цветови на свежо варосани ѕидови. И ова што го прави изгледа како разгледница.

Убиени 59 луѓе, ранети и повредени речиси 530. Сите, жртви на 64-годишен Американец со автоматско оружје (17 парчиња), хотелска соба на 32-ри спрат и за сега без јасен мотив - зошто? Вака изгледаа дел од денешните американски весници.