Off Topic

Некои луѓе имаат време. И тонер.

Еден обожавател на филмската франшиза „Дина“ испечатил 240 постери со кадри од својот омилен филм и ги поставил по прецизен редослед покрај еден пат. Зошто? За кога некој ќе помине со возило покрај овој дел со одредена брзина, статичните слики покрај патот да му се спојат во течна анимација и „да му направат филм“. Океј.

Водич за пиење од Леми Килмистер

Уште во 2005 година, пејачот и фронтмен на Моторхед, Леми Килмистер, во интервју даде неколку тешко стекнати совети за пиење алкохол. Тој отсекогаш важеше за исклучително веродостоен извор по ова прашање. Има тука неколку интересени цаки.

Новиот српски парламент има пратеник со боенка

Во новиот состав на парламентот на Србија има осум глумци, пола од кај студентите, пола од кај Вучиќ. Еден од кај студентите е и актерот Бојан Димитријевиќ, познат како наркоманот Пикац од серијата „Вратиће се роде“. На првиот ден на новата работа земал боенка, за кога ќе му биде досадно. Симпатично, ако човек заборави дека се колнеа како 24/7 неуморно ќе се борат со криминалниот октопод на претходната власт.

„Подобрата Србија“ демонстрира простаклук

Група победнички бадијалџии се собраа пред зградата на српскиот парламентг каде се одржува конститутивна седница на новиот парламентарен состав. За да им аплаудираат на своите и да викаат „уаа“ на другите (јаки потези, јаки герили). Најглупата меѓу нив ја потури со јогурт по глава актерката Лидија Вукиќевиќ која има мандат од СНС.

ВИ музиката ги доби своите Греми

Во Лос Анџелес биле одржани првите AI Music Awards за музика креирана со вештачка интелигенција. Распоредени во 25 музички жанра и три категории: скроз ВИ, делумно ВИ и хибридни песни во кои вокалот е на клониран човечки глас. Влез за настанот бил 250 долари. Ги имаме победниците. Некако ни немаат душа :)

Политичар е за да те фарба

Во 2021 година, локални политичари во изборна кампања решаваат да им покажат на своите гласачи дека тие се луѓе од народот па наместо само ветувања, да демонстрираат дека се подготвени конкретно да им помагаат на луѓе. На пример, да освежат со боја фасада на една скромна куќа, па удираат ваљак, се разбира, пред камери и новинари. Да ја видите куќата пет години подоцна.

Две он-лајн алатки за откажување од Фотошоп

Прво задолжително е да се нагласи дека Фотошоп е ненадминливо напредна и корисна алатка што не може да се замени. Ама некогаш има ситуации кога не ти треба целиот арсенал со кој располага Фотошоп, или па не ти е при рака за некои бејзик измени. Е за такви ситуации има два линка што директ треба да завршат во букмаркс.

Човекот како ќорсокак на еволуцијата

Мајмуни и луѓе пред иста задача: како да се извади бадемче од една долга пластична цевка. Луѓе пробуваат со прст, со дување, со корнење. Практично се неупотребливи додека не им дадеш да видат на Јутјуб како тоа го прави мајмунот. Експериментот завршува со генијална порака: „Ајде да зборуваме за образованието“

Што правевте вие на 7-ми ноември?

Ок, не го знаеме тоа ни за нас, ама знаеме некако за Расел Бирк. 21 годишниниот сурфер од Австралија бил близу португалските брегови каде фати да јава еден импресивен бран од 30-40 метра. Едвај го спасија.

Трилинг од Франција

Свашта се случуваше на гигантскиот собир на државници и политичари во Франција, дојдени за одбележување на 100 годишнината од завршувањето на Првата светска војна. Кој каде седел, кој со кого се поздравил и сликал (штета што не беше Димитров, тој најјаки фотки вади oд вакви настани). зошто е Вуќиќ смрзнат... Одбравме три други моменти.

Пушти си ги нозете колку што ти е долг принтерот

Одиш на Амазон, налетуваш на фотографија од чергиче за пред врата. Ти се бендисува и нарачуваш. Што добиваш? Фотографија од чергиче за пред врата! Нели е генијално?

Манифест на Демократите, според Џордан Питерсон

Питерсон седнал и напишал концепт за излез од кризата во која се заглавени Демократите. Не за дневно-политички смисалици туку за сериозни вредносни поместувања. Граѓанинот повторно да биде суверена индивидуа а не припадник на идентитетски множества што опшптеството го води кон трибализам, да се рехабилитира слободата на говорот, да се обноват врските со работничката класа. Но, како прво, да се извинат. Затоа што наместо да преземат одговорност за заслужениот пораз, ги демонизираа оние кои поштено и демократски ги победија. 

Шприцерот е ладен ко Реган

Роналд Реган во 1987 година е во Берлин, каде што се наоѓа по повод еден јубилеј на градот. Им се обраќа на американските војници од тамошната авио база. Среде говорот, еден од славеничките балони пука, што се слуша како истрел. Важно: ова му се случува на човек кој претходно има преживеано атентат во кој беше ранет. Пазете му ја реакцијата. 

Со пиштол се плашат неженети

Како да познаеш човек кого жена му го пратила во продавница со зборовите: Само глеј да заборавиш да купиш нешто од тоа што ти нарачав!

Реклама на Гринпис им дојде малку премногу на британските цензори

Божиќната реклама која е соработка меѓу Гринпис и синџирот супермакети Исланд, е забранета во Британија по основа дека содржината и е премногу политичка. Рекламата е цртан со девојче и мајмунче, во кој ова второво се жали дека човекот му ја има уништено целата џунгла во име на производство на повеќе палмино масло и шампони.

Елвис за непарните ритми

Во песната која денес ја анализираме „Зови човика“, Војко В, се фали (од 0:14 do 0:18): „7/8 метрика, ваков рап нема Европа и Америка“.

Важноста на интерпункцијата во преамбулите

Додека кај нас се редат благоглаголиви вуцибатини кои заради полесно голтање на капитулацијата со Грција објаснуваат дека промените на уставот се козметички, небитни, само допрецизираат некои работи и слично, постојат цивилизирани држави во кои овие текстови се сметаат за врвни филиграни. На пример, клучната реченица во американската Декларација за независност, била отпечатена во две верзии. Еднаш со точка, другпат со цртичка/тире. Огромна разлика. 

Трамп против Си-ен-ен

Нема тука многу за кого да навиваш. Вообичаено секојдневно шакетање во Белата куќа, во случајов во врска со мигрантскиот карван од централна Америка. Боите на телевизијата ги брани Џим Акоста, а за Трамп игра Доналд. Од политичка тема брзо се доаѓа до: „Вие сте груб, ужасен човек.“

Кој тоа научи да се облекува?

Се покажало тоа како потешка задача отколку што се мислело, бидејќи се работи за речиси безброј нестандардни облици на облека која треба да се натне на себе. Сепак, со помош на Deep Reinforcement Learning, после неброени часови обиди и грешки, вештачката интелигенција успеала во она во што ние успеваме и кога сме најглупи - сабајле. 

Кога историјата би се случувала на Фејсбук

Колекција од Фејсбук статуси од некои од клучните моменти во човековата историја. Титаник не требало толку да се чатали.

Еволуцијата на гитарата, без гитара

Дузина опасни гитарски песни, отсвирени без ронка гитара. Само клавијатуруи, тапани и бас.

Пост структурализам, лесна работа

Иако шансите да налетате на овој збор се реално мали (ако сте нормален човек), сепак, можете да го начекате во некоја од оние уметничко - филозофски дискусии кои ги водат учени луѓе чија работа е толку досадна што мора да користат големи зборови за да ја направат поинтересна. Најјасно на свет, објаснува премудриот Хенри Јангмен.

Проста делба

Трабант, една од најмоќните автомобилски справи на светот, кога е доведен во беља, се однесува како гуштер.

Време на зорт

Пауерлифтинг е нешто слично на олимпиското дигање тегови, само што е составен од три дисциплини (дигање од клечење, на клупа и од место) чиј комбиниран резултат го дава победникот. Него, остајте тоа. За фаците во клучните моменти ни е муабетот.

И лук јал и лук мирисал

Некој овде да отвори фурна со вакви, само од пензионери може да живее ко бог.

Девојка со туретов синдром и неверојатна смисла за хумор околу својот проблем

18-годишната девојка пред камерата на својата мајка покажува како за луѓе со нејзина дијагноза изгледа справувањето со јајца. Што се однесува на туретовиот синдром нејзиниот став е „со него се справувам фокусирајќи се на смешната и позитивната страна, а исто така и со споделување на моите искуства со другите“.

Баба Наталија, пијано

Фасцинантна е не само возраста (84 години) и умешноста на тие години да се свири така, туку и фактот дека она што го свири Наталија Треилинг на улица во Мелбурн е она што во тој момент го создава. Композиција која не била свирена никогаш порано и никогаш после тоа.

БДП трка

Интересен графички приказ на споредбеното движење на 10-те најголеми БДП-и во светот, од 1960 година до лани. Можеби следењето на првото место е досадно (Американците), ама затоа пазете ги она Кинезите како финишираат.

Поуки за западни демократии

Болсонаро не е бразилскиот Трамп, како што тоа често прелесно се врзува. Не е тој од новиот алт-десен бран во САД и Европа. Тој е опасен старомоден екстремен десничар за кого гласаат обични Бразилци, сиромаштија, црнци па дури и ЛГБТ. Луѓе кои до вчера гласаа за левицата. Небањатите. Сите очајници кои сфаќаат дека стандардната политичка елита пет пари не дава за нивните проблеми.

Кој ги видел 80-тите години, знае што е слобода и блискост со Запад

Слободата и блискоста со Западот какви што во Југославија постоеја во 80-тите години на минатиот век остануваат недостижен идеал дури и кога се живее и работи во земја членка на ЕУ и НАТО. Според Миљенко Јерговиќ, овдешните елити знаат да започнат нови војни но не и да излезат од нив.