Off Topic

Водич за пиење од Леми Килмистер

Уште во 2005 година, пејачот и фронтмен на Моторхед, Леми Килмистер, во интервју даде неколку тешко стекнати совети за пиење алкохол. Тој отсекогаш важеше за исклучително веродостоен извор по ова прашање. Има тука неколку интересени цаки.

Новиот српски парламент има пратеник со боенка

Во новиот состав на парламентот на Србија има осум глумци, пола од кај студентите, пола од кај Вучиќ. Еден од кај студентите е и актерот Бојан Димитријевиќ, познат како наркоманот Пикац од серијата „Вратиће се роде“. На првиот ден на новата работа земал боенка, за кога ќе му биде досадно. Симпатично, ако човек заборави дека се колнеа како 24/7 неуморно ќе се борат со криминалниот октопод на претходната власт.

„Подобрата Србија“ демонстрира простаклук

Група победнички бадијалџии се собраа пред зградата на српскиот парламентг каде се одржува конститутивна седница на новиот парламентарен состав. За да им аплаудираат на своите и да викаат „уаа“ на другите (јаки потези, јаки герили). Најглупата меѓу нив ја потури со јогурт по глава актерката Лидија Вукиќевиќ која има мандат од СНС.

ВИ музиката ги доби своите Греми

Во Лос Анџелес биле одржани првите AI Music Awards за музика креирана со вештачка интелигенција. Распоредени во 25 музички жанра и три категории: скроз ВИ, делумно ВИ и хибридни песни во кои вокалот е на клониран човечки глас. Влез за настанот бил 250 долари. Ги имаме победниците. Некако ни немаат душа :)

Политичар е за да те фарба

Во 2021 година, локални политичари во изборна кампања решаваат да им покажат на своите гласачи дека тие се луѓе од народот па наместо само ветувања, да демонстрираат дека се подготвени конкретно да им помагаат на луѓе. На пример, да освежат со боја фасада на една скромна куќа, па удираат ваљак, се разбира, пред камери и новинари. Да ја видите куќата пет години подоцна.

После победата доаѓаат прашања

Изгледа дека сè може да се смести под ист политички покрив: европски интеграции, пријателство со Русија, воена неутралност и по некоја историска благодарност. Политичката програма е како шведска маса – земате што ви се допаѓа, а ако некогаш стигне сметката, едноставно ѝ ја префрлате на следната влада.

Во чест на лондонските (и други) баби

Драги млади, колку и да се трудите....

Линдеман звучи руски

Фронтменот на Рамштајн извади соло песна испеана на руски јазик. Музиката и текстот се на покојните руски автори Никита Богословски и Евгениј Долматовски. Нејасно е дали е соло парче или најава на нов албум, ама „Саканиот град“ покажува дека тоа рускиот јазик ги омекнува и најтврдокорните гласни жици.

Јаху ги гаси одговорите

Yahoo Answers e веќе само на read-only верзија (не можат да поставуваат нови прашања) а сајтот, после 15 години, дефинитивно ќе се гаси на 4 мај. И супер и штета, беше тоа чудесна ризница од глупи и преглупи прашања, што за тролање, што највистински.

Јапонски ѓериз

Има и кај нас вакви работи, вода да им тече на луѓе пред порти. Сè е навидум исто и во Јапонија, се додека подлабоко не се заинтересираш за темата.

Корида меѓу Србите

Ташмајдан, Белград, 2 октомври 1971 година. Гостува автентична шпанска корида, присутни 5.000 луѓе во публика.

Што Стивен Фрај би го прашал Господ?

Ова на многумина баш и нема да им звучи убаво, ама па и животот не е саде богоугоден(види вести). Грчките богови полесно би минале во муабет со Фрај, просто затоа што и покрај сите каприци, тие барем никогаш не се преправале дека се хумани. „А дечкото е манијак,“ ќе рече Фрај кој, по важечките услови, не би ни сакал да оди во рајот.

Druggy - Кензо Танге

Немаме многу да ви кажеме за дечкото (само пар референци: Аномалија натива, продуцент на Бонус трака) освен дека е скроз добар, занимлив и свеж, со рефрен кој лесно влегува меѓу чеканот и наковалната и една супер комбинација од брич стихови и ритам кој ве тера да ги мрдате куковите & дуповите. Замислете го Мирко Субвенција, ама да го бива. Ок, ок, многу бараме од вас.

Закривеноста на простор-времето на Калениќ пазарче

- Баба, не се чваркови туку кваркови. И не се кретени, туку протони.
-Тоа и викам, морони, протони, иста работа - одговори старата жена.

Бабата против градот

Со оглед на тоа како изгледаат нашите градови, гарант и кај нас има стотина вакви баби штеточини кои шпартат дење-ноќе и прават белји. Само што нашиве мора да се нинџи па се невидливи. 

Онлајн парламентарец на денот

Се вика Тармо Круусимае и е пратеник во естонскиот парламент. Несвесен дека му доаѓа ред да дискусија и дека во таа ситуација, оди во директен пренос, колегите го фаќаат во опуштена атмосфера: во кревет како пафка од вапот и слуша музика, лефтерно следејќи седница.

Австралија? Ќути сине и пливај

Денот на австралиската воена морнарица бил одбележен и со денс група на згодни девојки кои им тверкале на ветераните и другите присутни. Кај нас генерал крши керамиди со глава. Еј животе, достоинство теракотно.

Дип Лукас - Пепел и дим

За сите оние кои познаваат некого кој порано бил лут металец а подоцна животот (домашни забави, шабански кафани, пијани слави) го натерале да забега во нешто похардкор, еден прекрасен богохулен мешап од Дип Парпл и Аца Лукас. Миксот првенствено е посветен на тој непознат пријател но нека слушнат и оние силни активисти кои се испозакачија на буџетски ухлеби, како на нормално уво му звучни нивното шизофрено препелкање.

Куче што лае, не е полициско

Од ланскиот октомври, њујоршката полиција почна чат-пат на терен да ги вади своите нови службени кучиња кои наместо со гени, инсктинкти и тренинг, се опремени со камери, светла и сензори. Почетна цена на џукелата е 75.000 долари, ама ако те види, има засекогаш да те запамти со сите твои пиксели. За „дај рака“ се доплаќа.

Дефиниција за „All star“

Можеби не ја знаете, а можеби е време да се потсетите. Реклама за ЈАТ. Со кој сè не.

Мик Џегер: Бил Гејтс ми е во крвоток

Утешно е кога ќе чуеш дека дури и на Џегер му е исто како на тебе во пандемија па братски сочувствуваш кога ти се исповеда дека од досада учел ТикТок денсови, почнувал да готви и го пиздел фејк звукот од трибини на спортски утакмици (и немал што да облече?). Сето тоа спржено со гитари, бас и бубњеви на Дејв Грол. Eazy Sleazy, пандемискa соло песна на 77 годишниот рокер, првa после 2017.

Звукот на нашите филмови

Со музика за 60 филмови, 50 серии, 600 спотови и 300 часа телевизиска музика, звукот на Зоран Симјановиќ е чипиран во сите оние кои растеле или следеле југословенска кинематографија. Со музиката за „Сјај во очите“ добива награда во Монте Карло, победувајќи го Енио Мориконе. Во 1983 година, заедно со Ив Монтан, станува почесен граѓанин на Валенсија. Симјановиќ почина во Белград, заразен од коронавирус. 

Не бе, не им се тешки ранците

Зошто одиш со колути напред? Што знам, така научив уште во прво-второ одделение.

Ќути, нас глушец ни се падна

Нели беше најден глушец во храна од наш маркет па сите се згрозивме. Некој на заебанција кажа: ако глушец имало во КАМ, што ли има во Рептил?. Одиме во Тајван, во еден тамошен дуќан. Брр....  

Сине, а да се дрогираш ко сите нормални?

Доаѓа време кога синот ќе порасне па редно е татко му да му објасни некои работи од светот на возрасните. Порано можеби на децата им било малку незгодно да слушаат како татко им зборува за секс. Денес е таа сцена доста поинаква.

Слави Трифонов го брани Дојран

Новата ѕвезда на бугарската политичка сцена, го имаме регистрирано уште на он.нет, кога се пробуваше како певец. Му објавивме видео спот за кој го пишавме ова:

Како бе живеете во вакви градови?

Добро бе, па на никој ли не му дојде да паркира малку на тоа црвеното, со четири жмигавци да почека некого, „одма ќе дојде“?  Или набрзинка да скрати преку црвеното? Како воопшто живеете такви? Можеше да побараме каде е ова, ама повеќе сакаме да веруваме дека е некоја измислена земја со измислени луѓе.

Кујнскиот агент Смасен. Не Смасен.

Ноел Галагер од Оазис, за неприлагоденоста на својот брат Лијам има кажано: „Во свет од супа, тој е човекот со виљушка.“ Тек овој да му беше брат.

Како кучето мое, нигде нема друго

Расел Џонс од Британија, не само што сјебал нога па морал во гипс, туку забележал дека и неговото куче почнало да куца. После 300 фунти дадени на ветеринар, сфаќа дека со песот сè е во ред и дека куца од чиста солидарност со него.

Кој е против боцкање?

Жена снимила како нејзиниот вујко го вакцинираат на жими мајка. Сестрата го боцка човекот ама не му вбризгува ништо. Нејасно е зошто воопшто би го правела тоа (ја чува вакцината за свои луѓе?) ама службите ја признале грешката. Веста е од Мексико. Значи, не може наш човек да отиде некаде а да не ги научи домаќините на некоја вештина.