Off Topic

Водич за пиење од Леми Килмистер

Уште во 2005 година, пејачот и фронтмен на Моторхед, Леми Килмистер, во интервју даде неколку тешко стекнати совети за пиење алкохол. Тој отсекогаш важеше за исклучително веродостоен извор по ова прашање. Има тука неколку интересени цаки.

Новиот српски парламент има пратеник со боенка

Во новиот состав на парламентот на Србија има осум глумци, пола од кај студентите, пола од кај Вучиќ. Еден од кај студентите е и актерот Бојан Димитријевиќ, познат како наркоманот Пикац од серијата „Вратиће се роде“. На првиот ден на новата работа земал боенка, за кога ќе му биде досадно. Симпатично, ако човек заборави дека се колнеа како 24/7 неуморно ќе се борат со криминалниот октопод на претходната власт.

„Подобрата Србија“ демонстрира простаклук

Група победнички бадијалџии се собраа пред зградата на српскиот парламентг каде се одржува конститутивна седница на новиот парламентарен состав. За да им аплаудираат на своите и да викаат „уаа“ на другите (јаки потези, јаки герили). Најглупата меѓу нив ја потури со јогурт по глава актерката Лидија Вукиќевиќ која има мандат од СНС.

ВИ музиката ги доби своите Греми

Во Лос Анџелес биле одржани првите AI Music Awards за музика креирана со вештачка интелигенција. Распоредени во 25 музички жанра и три категории: скроз ВИ, делумно ВИ и хибридни песни во кои вокалот е на клониран човечки глас. Влез за настанот бил 250 долари. Ги имаме победниците. Некако ни немаат душа :)

Политичар е за да те фарба

Во 2021 година, локални политичари во изборна кампања решаваат да им покажат на своите гласачи дека тие се луѓе од народот па наместо само ветувања, да демонстрираат дека се подготвени конкретно да им помагаат на луѓе. На пример, да освежат со боја фасада на една скромна куќа, па удираат ваљак, се разбира, пред камери и новинари. Да ја видите куќата пет години подоцна.

После победата доаѓаат прашања

Изгледа дека сè може да се смести под ист политички покрив: европски интеграции, пријателство со Русија, воена неутралност и по некоја историска благодарност. Политичката програма е како шведска маса – земате што ви се допаѓа, а ако некогаш стигне сметката, едноставно ѝ ја префрлате на следната влада.

Програмер на интервју за работа

Секој што некогаш пробал да вработи „сениор“ програмер знае колку ова е точно. Секој сениор програмер што се вработил знае дека ова го има само во другата ИТ компанија. Хајлајт „немам потреба од тим билдинг, можам и сам да се напијам.“

Највисоки и најниски цени на бензин во свет

Просечната цена на бензинот во светот (во септември) била 1,2 долари (или 63,79 денари) за литар. На едниот крај од овој просек е Венецуела, каде литар бензин е само 2 американски цента, на другиот се Хонгконг и Холандија со 2,56 односно 2,18 долари за литар. Во Македонија цената моментално е 70,65 денари (1,33 долари) за литар.

Детално упатство како НЕ се гаси пожар во кујна

Чекор 1: Ако по некоја случајност ти се запалил зејтинот што ти е на шпорет никако, никако, никако не фрлаш вода врз него.

Толку.

Логиката на вакцините

Одговори на струката на прашања од теоретичари на завера. Замислениот дијалог започнува со прашањето, што кога некој ќе заболи од ковид после примена прва доза вакцина.  Но, тоа е само почеток.

Интелектуална кавга во Русија

Што им е заедничко на двајца Руси од кои едниот на 24 години одбранил кандидатска дисертација  за академија на науки а другиот е потполковник на министерството за внатрешни работи? Нормално, тоа што и двајцата сакаат да се напијат.

Марк Закерберг го смени името во Мајка Тереза

Марк Закерберг законски го сменил името во Мајка Тереза, потврди Мајка Тереза. Се дава рок за прилагодување до октомври, после тоа следи протерување од мета-космосот.

Капиталот, највисокиот дом во ЕУ

Енергичен и жесток европарламентарец од Романија објаснува дека ни тие не смеат да ги видат договорите со производителите на вакцини, а Европскиот парламент гордо се смета за најдемократската интитуција на ЕУ. Човекот покажува што само им е дозволено да видат од тие мистериозни договори: куп зацрнети страници, како досиеја на УДБА.

Ретро на метро

На звуците од Чикитита од АББА (нејасно зошто) ова видео може на постарите да има послужи како едукативен пауер поинт за помладите во нивна околина, да се запознаат со дизајнот и гаџетите на некои минати времиња. Вокмен, клик-клак, динамо од точак, Брут, оние за отворање конзерви со вртење... Или барем ќе си најдат нешто за кое ќе си речат: „Стварно бе, кај ми е ова?“

Во Дубаи отворено најголемото панорамско тркало на светот

Има капацитет од 1.750 луѓе, влезницата е 30 евра, и за овие пари добивате 40-минутно крукче. Високо е 250 метри, и има 48 кабини. За да не се троши простор, за тркалото прво е направен вештачки остров врз кој тоа е изградено.

Сервирање вечера за 10 деца

Не туѓи 10 деца, туку сопствени. И не готвење вечера, туку само сервирање. Десет деца.

Како длабоко да истрауматизираш колешка за добар ТВ прилог

Прво наоѓаш колешка што дифолтно е страшлива и лесно се вади од памет. После тоа ја ставаш во куќа на стравот како дел од промоција на новата локална атракција. Ќарот од гледаност и реклами е твој, трошоците за психијатар се нејзини.

Глејте прво психата, потоа имунитетот

Умни зборови и паралели на српскиот академик Владета Јеротиќ, психијатар и психотерапевт кој тврди дека од грип до рак, сите болести се психосоматски. Меѓу другото порачува, пушете и пијте само кога ви е убаво, а не кога сте бесни или сакате нешто да потиснете. Така влегува бељата.

Принцеза на мама

Видео реклама со едно разгалено дете кое прави русвај по дома, нашминкано и облечено во женска облека. Што може да биде чаре за вакви ситуации? Ќе видите на крај.

Дистопија на најјако

Полицијата во Хонолулу, Хаваи, го наавила кучето - робот на Бостон Динамикс за да лови ковид позитивни по град, главно по местата кајшто се збираат бездомници и полусвет. Мери температура од два метра, прави фотографија од „осомничениот“ а после доаѓаат газдите на џукелата која кошта 150.000 долари.

40% ретко се умира со вакцина

Коментирајќи ја смртта на поранешниот државен секретар Колин Пауел кој целосно вакциниран почина од ковид компликации, некогашниот директор на Американскиот центар за болести и превенција има отрезнувачки бројки за оние кои опуштено мислат дека тоа се случува ретко.

Нешто не е ок со Алек Болдвин

Една недела пред трагичниот инцидент во кој од филмски пиштол ја уби директорката на фотографија и го рани режисерот на филмот Р'ѓа, Алек Болдвин постираше видео на ТикТок. Конфузен, несреден, во потрага по зборови со кои би ја довршил мислата, ненаспан или преспан, нејасно.

Бил Бур му го продолжува животот на Конан

Џими Фелон знае да изнервира со неговото нон-стоп смеење за кои многумина се прашуваат колку е искрено (тоа го влече уште од СНЛ кога упропастуваше сцени со предвремено церекање). Конан го нема тој проблем и добро се контролира. Освен кога гостин му е Бил Бур. Пазете го како се распаѓа кога Бур ќе влезе во лудило.

Дечкото е лепенка

„Признавам, не беше тоа баш најмудар потег,“ им кажа подоцна на новинарите еден климатски активист од Лондон кој сака да алармира на ситуацијата и да им обрне внимание на властите дека треба да се вложува во подобра изолација на домовите за да се заштеди енергија. Сето тоа, со супер-лепaк залепen за асфалт.

Освен Черчил, сите фаќаа белешки кога зборуваше Тито

Режисерот oд црниот бран на југословенскиот филм, Желимир Жилник, чиј филм Рани трудови цели 13 години беше во бункер, сведочи за неговото запознавање со Коча Поповиќ, дипломец на Сорбона, шпански доброволец, командант на армија и еден од оние кои најмногу го познавале Тито.

Жени, сериозно ова вака?

Женско одржување во 57 чекори. А ти следен пат кога ќе бидеш горд што барем си ставил дезодоранс под мишка (или некој друг минимум на лична човечка хигиена) нека ти текне на клипов.

Каде е нашето право на светлина?

Кога купуваш стан/куќа во Скопје, и да е топ локација и да е шознам каков квалитет во градењето, никогаш не си сигурен дека тоа ќе биде хепиенд купуванка и дека еден ден до тебе нема да никне некоја грдосија која комплетно ќе ти затвори и видик и воздух и светлина. Во Англија е поинаку.   

Кондолиза Рајс апелира за рестарт

Поранешната државна секретарка на САД Кондолиза Рајс пробува да ги врати амeриканските работи на фабрички подесувања. Порачува дека белците денес ниту треба да се чувствуваат виновни за сè што било во минатото, ниту пак дека денес се „развластуваат“ заради нивната боја на кожата. Од друга страна,  црнците треба да сфатат дека се убави, вредни и горди, без да ги прават виновни другите - ако тоа не се.

Шпионите од твојот дом

Како изгледа кога ќе дознаеш дека шпионските уреди на Амазон што си ги купил и ставил по дома, всушност цело време те шпионирале. Жената дома има два Ехо Дотс уреда и еден Ехо.

Приказна за бизоните и шприцерот

Човек треба да чита, бидејќи читањето само по себе е виша форма на човечкото постоење. Треба да се биде безмилосен за лоши четива и брзо-брзо да се баталат бидејќи прекраток е животот за нив, но истовремено, треба да се биде многу инклузивен кон тоа што и каде се чита. На најнеочекувани места ве чекаат тајни кои ќе ве продуховат и ќе ви ги отворат чакрите.