Една недела пред трагичниот инцидент во кој од филмски пиштол ја уби директорката на фотографија и го рани режисерот на филмот Р'ѓа, Алек Болдвин постираше видео на ТикТок. Конфузен, несреден, во потрага по зборови со кои би ја довршил мислата, ненаспан или преспан, нејасно.

Џими Фелон знае да изнервира со неговото нон-стоп смеење за кои многумина се прашуваат колку е искрено (тоа го влече уште од СНЛ кога упропастуваше сцени со предвремено церекање). Конан го нема тој проблем и добро се контролира. Освен кога гостин му е Бил Бур. Пазете го како се распаѓа кога Бур ќе влезе во лудило.

„Признавам, не беше тоа баш најмудар потег,“ им кажа подоцна на новинарите еден климатски активист од Лондон кој сака да алармира на ситуацијата и да им обрне внимание на властите дека треба да се вложува во подобра изолација на домовите за да се заштеди енергија. Сето тоа, со супер-лепaк залепen за асфалт.

Режисерот oд црниот бран на југословенскиот филм, Желимир Жилник, чиј филм Рани трудови цели 13 години беше во бункер, сведочи за неговото запознавање со Коча Поповиќ, дипломец на Сорбона, шпански доброволец, командант на армија и еден од оние кои најмногу го познавале Тито.

Женско одржување во 57 чекори. А ти следен пат кога ќе бидеш горд што барем си ставил дезодоранс под мишка (или некој друг минимум на лична човечка хигиена) нека ти текне на клипов.

Кога купуваш стан/куќа во Скопје, и да е топ локација и да е шознам каков квалитет во градењето, никогаш не си сигурен дека тоа ќе биде хепиенд купуванка и дека еден ден до тебе нема да никне некоја грдосија која комплетно ќе ти затвори и видик и воздух и светлина. Во Англија е поинаку.   

Поранешната државна секретарка на САД Кондолиза Рајс пробува да ги врати амeриканските работи на фабрички подесувања. Порачува дека белците денес ниту треба да се чувствуваат виновни за сè што било во минатото, ниту пак дека денес се „развластуваат“ заради нивната боја на кожата. Од друга страна,  црнците треба да сфатат дека се убави, вредни и горди, без да ги прават виновни другите - ако тоа не се.

Како изгледа кога ќе дознаеш дека шпионските уреди на Амазон што си ги купил и ставил по дома, всушност цело време те шпионирале. Жената дома има два Ехо Дотс уреда и еден Ехо.

Човек треба да чита, бидејќи читањето само по себе е виша форма на човечкото постоење. Треба да се биде безмилосен за лоши четива и брзо-брзо да се баталат бидејќи прекраток е животот за нив, но истовремено, треба да се биде многу инклузивен кон тоа што и каде се чита. На најнеочекувани места ве чекаат тајни кои ќе ве продуховат и ќе ви ги отворат чакрите.

Кога Балканец ќе го погоди песна, на човек може да му дојде желба да излезе од кафана. Кога песна ќе го погоди црнец, на жена ѝ доаѓа да излезе од кола. Од кола во движење.

„На што тоа мислиш кога тврдиш дека светов е забеган?“ ја прашува Брајан Стелтер од CNN колешката Бери Вајс, некогашна уредничка на книжевните рецензии во Вол стрит журнал и екс уредничка за култура и политика во Њујорк тајмс, која од март годинава работи како редовна колумнистка на Ди Велт.

Имате колку сакате минути да размислите за што би можел да послужи маус ставен врз рачен часовник. Еве и ќе ви помогнеме, главна намена му е да го прелажеш шефот/клиентот, вие комплетирајте ја сликата како.

Во Југославија постоеше еден бесценет магазин „Џубокс“ со текстови за музика на кои ни денешни писанија не им се до колена (Драган Кремер, Саша Стојановиќ, Перо Луковиќ....). Ама постоеја и медиуми кои беа на друг начин бесценети но кои им се обраќаа на оние кои, во музичка смисла, се бааги „назад со материјалот“.

Секој пат кога ќе слушнете дека се отвора некоја нова агенција или инспекторат, или ќе се присетите на некој од 1.240 државни органи кои добиваат пари од буџетот, нека ви дојде инфографиков пред очи.

Слушнете ги умните зборови на хедонистичкиот витез на хрватската книжевна, есеистичка и критичарска сцена, барокно раскошниот лик Игор Мандиќ кој не само што не се срами од своите хектолитри како Абдулах Сидран туку и бонвивански ја одбира пијаноста во однос на трезноста. Не е тоа барање утеха, тоа е надзадоволство, нијансира бардот.

Мачка бега од куче, маж бега од жена, арамија бега од полиција. Бразил во еден кадар.

Од книгата на еден вистински оперативец на ЦИА, ви го пренесуваме делот: „Една од најчестите причини поради која луѓе се согласуваат да ги продаваат тајните на својата држава на САД.“

6:54 минути напнато дружење со Крис Шарма, на едно супер атрактивно место за пентарење по карпа. Тој се качува, нас прсти нè здоболуваат.

За неа на интернет ќе најдете сешто, дека регулира тежина, подобрува сон, го одложува стареењето, дури и дека го зголемува либидото. Во прилог ќе видите каде таа сол се вади, кои и колку минарали има но не можеме да одолееме да не ви ја откриеме нејзината клучна тајна: хималајската сол подобро изгледа на Инстаграм.

Човек, новинар, интелектуалец и господин во мрачни времиња. Надвор од интересните котерии, од маста и власта, од паразитските а лукративни синекури, новинарски аргат, „закрпен, но чист“, како што тој сакаше да каже, и во таа метафора е собрано сè што требаше да стане човечка, морална и цивилизациска разлика меѓу човечноста и фукарлукот.

Последиот пат гоп имавме кога придружуваше воени единици во строев чекор, па му ставивме наслов „Метал, и сè е подобро“. Сега пошто Јоко Оно е во прашање, не оди таков наслов. Се изнамачи дечкото да најде некаква музика во тоа нејзино врескање од кое се добива рак на уши.

Мајка (Елизабет Бенет, Арканзас) на синот кој се враќа од школо му ја кажува веста дека не мора да биде со маска, откако родители го добиле случајот со школото околу задолжителноста на маските. Пазете ја таа реакција.

Ако си ја имате маката, можеби веќе и сами сте ја откриле благопријатноста на овие потези. Ама, ако си ја имате маката, знаете дека кога тоа ќе стегне, ништо не помага. 

Македонија би можела и повеќе од пристојно да живее од извоз на плетени капи, и тоа изработени само од администрацијата, во регуларното работно време. На вработените од ДУИ може да им се праќаат клацкалки и дома.