Тоа што продуцентите не можат баш целосно да си го направат меракот и по свој ќеиф да ги спакуваат филмовите, не значи дека и интернетот ќе преќути. Искрена верзија на постерите на генерација 2018 номинирани за Оскар.
Регулар православен верник од семејство со вековно педигре под јурисдикција на Српската православна црква им се обраќа на своите новостекнати колеги по православие, кои тој ги води како „нововерци“, со проблем на ниво на практикување на вера и религија - „...сакам да кажам, драги нововерци, вистинската вера МОЛЧИ...“
Ако новогодишните фитнес ветувања ги терате според јулијанскиот календар тогаш крајно време за почеток на нивно остварување треба да е првиот ден по Стара нова година. (Освен ако не решиш дека треба да го истераш уште Св. Јован, евентуално и Трифун и готово. Ептен ако годината ти се падне да имаш и Младенци за терање, па да продолжиш до тогаш.) Пред да ја почнете сезоната во која конечно ќе направите се што сакате од себе (на фитнес план) има неколку работи што треба да ги знаете.
Родена во Кина, девојкава 10 години патува и работи во САД, Британија и Франција, и по пат сфаќа дека скоро па ништо не е исто „тука“ и „таму“. На толку патување почнува и да црта сè што се разликува.
И без многу разбирање англиски јасни ти се двата зборови од кои е составен терминот што американскиот претседател пред некој ден го употребил за Хаити, Ел Салвадор и земјите од Африка. Како и за добар дел пцовки и навреди, и за овој збор нема директен превод, без разлика дали е на македонски или кој било друг јазик.
Девојка за Божиќ го израдувала својот дечко купувајќи му ја најновата верзија на игрицата Call of Duty: WWII. Дечкото брзо сфатил, девојка да ти нуди видео игра е сомнително исто како Грци да ти нудат европски перспективи. Подарокот, имено, бил придружен со листа на услови кои дечкото треба да ги задоволи. Дали кутро или лакомо, нашево „македонче“ - потпишало.
Дрчен, одважен и бескомпромисен, фронтменот на жестоко поштената рокенрол банда Партибрејкерси е баш онаков каков што е неговата најчеста поза на концерт: предизвикувачки затегнат, со една нога напред, во секој момент спремен за ферка. Така функционира и мозокот и јазикот на Зоран Костиќ Цане.
2017 излезе дека е година во која Силициумската долина престана да измислува и почна да препакува веќе постоечки и употребливи работи, во скапи (и џиџани) производи кои никој не ги побара. На пример, чајник што прави чај, за 400 долари.
Ако сакате да проверите до каде сте со годините и колку имате изгубено осет што денес се смета добра нова музика, фатете разгледајте ја листата на 100 најдобри песни на 2017 според Нојзи, а да се разбереме, Нојзи знаат што е добра музика.
Артур Мартин своевремено препорачува „во несогласувањето околу моралните и научните прашања, гледај целта да ти биде да дојдеш до вистината, а не да го поразиш противникот. Така, никогаш нема да загубиш расправа, само ќе стекнеш ново откритие.“ Има и еден друг пристап.
Бројот на пушачи меѓу возрасните во САД е паднат од 42% во 1965 на 15% во 2015. Како што оваа опасност почнува да се стишува, така научниците почнуваат своето внимание да го вртат кон животни ризици кои се во подем и зафаќаат се поголем удел од црните статистики.
Место каде што Римјани тепаа Авари за потоа Авари и Словени да тепаат Римјани па после Словени тепаа Келти и Угари за потоа Словените да бидат тепани од Турци и Угари кои се тепаа и меѓусебно за на крај Турците да бидет потепани а на Словените да им остане да се тепаат со Угари.
Kрајно време е да ја вратиме неделата. Ако тоа брзо не го направиме, никогаш веќе нема да ја видиме. А живот без недела, односно, живот без одмор, веќе не е живот, туку тегобен рингишпил кој се запира само еднаш - тогаш кога е доцна за сè.
До 1968 година, американската химна се пеела канонски строго, како што налага оригиналот. Но тогаш на сатдион излегува еден слеп човек, со гитара в раце и отпејува своја верзија на химната. Оттогаш „The Star Spangled Banner“ никогаш не звучи ама баш исто.
Фушерски и без стратегија ги користиме ние тоа мрежите. Ќе споделиме наша содржина ама после тоа ретко се враќаме да видиме што се коментира и каков е „гласот на народот“. Криво ни е што немаме време да ги прочитаме сите умни, луцидни или духовити коментари. А некогаш уште покриво ни е што сме ги прочитале оние другите. А не се да им ќутиш. Или бар да не удриш на заеб... зафрканција.
Не биди во постојана потрага по среќа. Среќата е како оргазам, ако многу мислиш на тоа, ништо од тоа. Не мора уште сега да знаеш што ќе правиш со остатокот од својот живот. Повеќето луѓе кои знаеја што со себе кога имаа 20 години, сега се во тешки кризи на средните години. И не биди сељак со келнери.
Дизајнер на игри за многумина звучи како некоја шалабајзерска работа. Но, од страна, и атомска физика на многумина зналци од општа пракса им звучи како нешто за кое тие имаат уважено и небитно мислење. Ајде да расчлениме што сè треба да реши еден дизајнер на игрица, и тоа само во поглед на вратите во играта.
Толку многу сме пишувале за пушењето и другите нездрави навики што ни го прават животот поубав, што не чувствуваме посебна потреба да се вклучуваме во последната епизода за законот. Ама па, зошто да не?
ПРЕДУПРЕДУВАЊЕ: Ви подготвивме текст за кој ќе треба да одвоите доста време. За непушачите тоа не би требало да биде проблем бидејќи и онака ќе живеат долго.
Павле Вујисиќ има напишано еден брилијантен тестамент во кој сè што има ѝ остава на својата сопруга на која ѝ дава прецизни упатства околу погребот. Таа најдобро знаела колку инает бил нејзиниот Павле. Но, решила да му покаже дека не е единствениот.
