Така ли ќе тераме до пензија? Додека вашите деца не добијат деца, па после ќе преминеме на внуците? Е нема, фала.

Лекција од Фројд која секој би требало да ја научи. А не е тешка, една реченица е.

Убиени 59 луѓе, ранети и повредени речиси 530. Сите, жртви на 64-годишен Американец со автоматско оружје (17 парчиња), хотелска соба на 32-ри спрат и за сега без јасен мотив - зошто? Вака изгледаа дел од денешните американски весници.

Ако немате чуено, да ве информираме дека изминатата недела во Скопје изби епидемија на морбили (мали сипаници). Значи: во 2017, во Скопје има епидемија, на таа, ни нова, ни незапирлива болест - сипаници. Како се случи тоа? Игнорантни родители заглавени во неодговорни и повеќекратно побиени теории на заговор за штетноста на вакцинирањето. Како сите овие години инкубираше оваа епидемија пред да избие, ќе видите низ дел од коментарите што сето ова време ги добиваме на текстовите кои ги објавуваме на тема вакцинација и глупавоста на нејзиното избегнување.

1998 е премиерата на филмот „Рани“ кој успева директно да се вбризга во сржта на тукашната поп-култура и (пиратски) филмски колекции. Заедно со него доаѓаат и ликовите на Пинки и Шваба. Неполни 2 години подоцна Пинки, роден како Душан Пекиќ, загинува. Мајката на Душан дури годинава смогна сили да ја прочита обдукцијата на својот син.

Како пакет, ова е една многу инспиративна показна вежба во која познат француски фотограф научен да работи со опрема од десетици илјади долари покажува какви велелепни фотки може да извади користејќи само Ајфон, кутија од Биг-мек и рачна лампа. И пред да извршите церемонијално лупање на вашата опрема од ѕид, треба да знаете дека има една цака: откако ќе ја искористи комбинацијата Ајфон, картонска кутија и рачна лампа, работата е довршена со комбинацијата ВСЦО, Фотошоп и Лајтрум (сите три на мобилен).

Ноќеска во САД се падна вториот по големина џек-пот во историјата на тамошните лотарии во износ од 760 милиони долари. Одма треба да се каже дека човеков не е добитникот на премијата, ама има разработено систем со кој нема изгубено пари. Неговиот совет во основа е: секој пат кога сакаш да играш лото, инвестирај ги парите на берза.

Разните видови политичко уредување и поврзана терминологија сведени на проблемот со твоите валкани алишта и мајка ти како одговорна за нив.

Култот на детето во нашата цивилизација настана не така одамна, пред 50-60 години. Тоа е една прилично вештачка појава, исто како што е Дедо Мразот кој излегува од реклама на Кока кола. Децата се најсилното оружје за забрзување на потрошувачката трка.

Заради дизајнот и насловите, старите Ју-плочи и сами по себе се драгоцени. Кога ќе ги спинуваш со друг контекст, работата станува уште позабавна. 

Неодамна на гробиштата на Сапоро (главниот град на Хокаидо), беше отворен споменикот на Буда изработен од јапонскиот архитект Тадао Андо. Будата е висок 13,5 метри, а и покрај тоа успева никако да не штрчи од околината, туку напротив некако многу природно легнува.

Додека службите успеат да ја лоцираат и изведат "Софка за двајца" пред лицето на редакцијата, ние ќе забуричкаме по Базфид во потрагата по рецепти што треба периодов да ја покријат потребата од - што ново не сме јаделе.

20-годишна финска блогерка му се обраќа на делот од женската популација што уште ја нема совладано вештината за ловење совршен агол и на крајно неупатената машка маса, за да ги просветли околу тоа што го гледаат на Инстаграм (и за да не се извадат од памет ако по некоја случјаност истото тоа после го видат во живо).

Компилација мисли (спремни за твитови, мемиња, статуси) од Алан Форд, Боб Рок, Грунф и останато друштво. За тие што не знаат, автори на Алан Форд се Макс Бункер (пишува) и Магнус (црта), и сето ова се случува во Њујорк (и како може да си дозволите тек сега да се запознавате со материјалот?).

Пред два месеца, Шинода и Фарел од Линкин парк во интервју објаснуваат дека Честер сериозно и длабоко е погоден од самоубиството на Крис Корнел. Ноќеска, 41-годишниот рокер изврши самоубиство. Ова е последниот поздрав со него на неколку колеги музичари.

Да се потсетиме ние на вистинската партизанштина на која подзаборавивме од онаа блеферската која последниве години ни ги потече јајцата (ене ги, моментално се ухлебуваат по државни институции). Усташите не само што го убиле прочуениот револуционер Раде Кончар, не само што ја фрлиле од прозор неговата жена туку за да ја сотрат цела лоза, понудиле неверојатна награда и за нивното бебе. 

Колку што авторот на статијава е Џурук, толку и он е Џаноски, ама тоа е друга тема. Роден е во САД, по потекло е Македонец, и се вика (по негово) Стефан Џаноски. Човекот цел живот е скејтер, доволно познат во САД за Најк да имаат патики со негово име. И тоа 41 различен модел. Освен што скејта и прави патики, човекот стигнува и да слика, фотографира, да се занимава со вајарство и да свири гитара.

(Чисто против уроци, да кажеме дека може да дојдат и бетер.) Пред некое време ја пренесовме веста за бескорисниот паметен соковник од 400 долари (на попуст од првичните 700). Има барем еден човек на светот што ја прочитал веста, целиот исход од неа и сето тоа го доживеал како одлична бизнис идеја. Тој човек направи паметен чајник.

Ако сме прецизни, човекот е арборист (да, како Дејан), што во превод значи некој кој професионално се занимава со одгледување и изучување дрвја. И ретко кој станува арборист заради слава, туку најчесто тоа се прави од љубов кон дрвјата. На истиот овој човек, градските власти и придружен апаратчик предводен од градоначалникот решаваат да му го исечат 30-годишното здраво дрво во двор, затоа што почнало да им го поткопува тротоарот. Како што решаваат така и прават. По нив, доаѓа на ред тој.

Стара приказна е ова за менталитетот и социјалната психологија и веројатно ја имаме објавено во овие миљарда години минати на интернет. Поучна е на различни нивоа, и за македонската транзиција и за состојбите во вашата фирма, град, држава.... Ако имате чувство дека мајмуните се менуваат а работите остануваат исти, читнете како тоа оди.  

Тереза Меј бараше избори за да добие посилна и постабилна позиција во преговорите за брегзит. Првото го доби, ама не и позицијата што ја посакуваше, заврши со 13 пратенички места помалку и губење на парламентарното мнозинство. Ние го добивме меракот да уживаме во сеирот што Гардијан го удира околу изборите.

Една од особините кои им се припишуваат на морковите е дека можат импресивно да го подобрат видот, особено ноќе. Но, ако страдате од кокошкино слепило а спас гледате во морковите, нема да се изнагледате. Приказната за оваа раширена легенда нè води до пропагандата од Втората светска војна.

Причината за тоа има врска со оружјето. А ако сте горди на својата ненаоруженост, тогаш носете го барем својот мобилен на лева страна.

Роџер Мур е еден од оние луѓе што ќе ги памтиме само во една димензија, како лежерен агент 007 кому му оди добро со девојки, а на лошите не им оди добро со него. Зад таа димензија којзнае што човек може да е, може идиот, може прекрасен лик. Има една супер интересна анегдота за него, која барем малку ја открива неговата секојдневна природа. Како се ближи кон крајот, приказната станува сè поинтересна....